PHO 會安 (已結業)

工人放假，同媽咪行完街兩個人撐枱腳。我哋要咗經典嘅生牛肉牛筋金邊粉、海鮮湯檬粉、豬肉鮮蝦紙米卷。生牛肉牛筋金邊粉嚟到啲牛熟哂，牛筋係白色的，比例上餸好少但粉好多，湯底唔過鹹但亦同時冇乜牛味。啲香葉放落湯都唔香，唔係好新鮮。海鮮湯檬粉啲魚都幾有魚味似新鮮，湯底有蝦味唔同牛肉嗰個，但明顯覺得唔係靠鮮蝦帶起鮮味。豬肉鮮蝦紙米卷啲檬粉同豬肉咬落好有質感，但醬汁隻味鹹咗啲，而且冇鮮蝦味擺明雪藏貨。食落全部正常但冇驚喜。反而個茶係越南香片幾特別，唔似响酒樓飲開嘅香片茶味。