高街麵霸 (已結業)

某日lunch得閒少少，同朋友走左去西營盤食飯，其實都係隨便入一間。本身係出面睇啲menu以為係食台式野（唔知點解會有咁既錯覺），之後先發現係食車仔麵。車仔麵黎講，我覺得都幾貴，3餸已經成50蚊，冇野飲。同朋友都有點滷水豬手，煮得好淋都入味，但見到啲豬毛咁長冇清，有少少唔開胃。至於朋友果碗，除左豬手，佢仲點左唐生菜同溏心蛋，幼麵底，個麵勁大份，餸就冇咩特別。本身都唔想比負評，但可惜魚皮餃塊皮勁冇咬口又鞋，跟住響鈴又霉又un⋯我真係接受唔到，冇咩事我都唔會再幫襯。