影片
更多
2009-04-07
21 瀏覽
新城市廣場一期1樓有不少食肆，但總覺劣評比好評多。shakey's pizza 一 般、博多唔得、parkview high tea 唔錯、hip sushi 未試過，至於魚尾獅... 本身冇興趣去試，但朋友想食，咁就跟埋入去。各自叫左個套餐: 佢叫左「馬來炸雞翼配喇沙湯米粉」，而我就叫左「港式白咖喱豬柳配簿餅」，跟餐有前菜，包活時令生果、」老」水小食、田園沙律，同埋跟餐飲。 講左佢既前菜先: 生果係唔新鮮的，係霉霉架。d 蟠桃好淋咁，唔知擺左幾耐。個沙律就細細兜，叫做有菜食下，同埋都叫做有唔同款色，樣樣少少地咁... 但如果你係對沙律講究既話，呢個唔會係你杯茶。至於小食就一般，但起碼唔會過鹹。 港式白咖喱豬柳配簿餅: 睇顏色，唔似白咖喱，偏啡的 (見相片)，但可以見到面頭上的椰汁，真係第一次見白咖喱會係咁。豬柳是半肥瘦的，夠淋既，但本人鍾意較瘦的，所以唔係好慣。個汁既味道係有咖喱味，不過係黃咖喱既味道。椰汁可能只是為裝飾的，因為它的味道就是欠缺了椰汁的白咖喱般，所以論顏色、論味道，都不是真正的白咖喱之味。可是，如果唔當佢係一盤白咖喱的話，佢係唔錯。香濃、辣度適中、唔算太油膩、都算幾惹
各自叫左個套餐: 佢叫左「馬來炸雞翼配喇沙湯米粉」，而我就叫左「港式白咖喱豬柳配簿餅」，跟餐有前菜，包活時令生果、」老」水小食、田園沙律，同埋跟餐飲。
講左佢既前菜先: 生果係唔新鮮的，係霉霉架。d 蟠桃好淋咁，唔知擺左幾耐。個沙律就細細兜，叫做有菜食下，同埋都叫做有唔同款色，樣樣少少地咁... 但如果你係對沙律講究既話，呢個唔會係你杯茶。至於小食就一般，但起碼唔會過鹹。
港式白咖喱豬柳配簿餅: 睇顏色，唔似白咖喱，偏啡的 (見相片)，但可以見到面頭上的椰汁，真係第一次見白咖喱會係咁。豬柳是半肥瘦的，夠淋既，但本人鍾意較瘦的，所以唔係好慣。個汁既味道係有咖喱味，不過係黃咖喱既味道。椰汁可能只是為裝飾的，因為它的味道就是欠缺了椰汁的白咖喱般，所以論顏色、論味道，都不是真正的白咖喱之味。可是，如果唔當佢係一盤白咖喱的話，佢係唔錯。香濃、辣度適中、唔算太油膩、都算幾惹味下。
至於薄餅，都算 ok 的。都係果句，唔好 expect 佢有印度色簿餅的香脆鬆軟... 佢既薄餅可以話係比麵包簿身，層皮比多士脆少少咁囉。用黎點咖喱係唔錯的。
馬來炸雞翼配喇沙湯米粉: 呢個係朋友叫的，佢話幾好食。炸雞翼的火喉唔錯，而雞翼醃到有微辣，而微辣的味道係滲到去雞肉裡面; 至於喇沙湯米粉，係油左少少，湯唔係咁夠，但係個味道就唔錯 -- 呢個就好香椰汁同埋花生味。
環境唔錯的，位與位之間夠多空間，適合三五知己食餐飯。服務就 ok 啦，典型食肆式服務，唔會好到令人賓至如歸但又唔會衰到令人難受咁。
總括而言，呢度既質素一般。笑面就比唔落 -- 因為距離「正宗」二字實在太遠，但佢個味道就唔算好差，所以又去唔到喊面。所以，最後決定比個 ok 佢。
張貼
