影片
更多
2003-11-05
0 瀏覽
數日前老媽子生日,決定去王家沙試試..由於遲放工,所以去到時d前菜己經比屋企人掃哂..四條友叫左蟹粉湯包,皮蛋豆腐,乜乜鵝肝,生煎包,菜螃蟹,蝦仁雙面黃,乜乜炒年糕,後尾見蟹粉湯丸$20得兩粒,又試左一客,再叫埋豆沙窩餅同酒釀丸子做甜品..蟹粉湯包--幾正,個人認為比得上台灣永康街鼎泰豐老店..皮蛋豆腐--唔錯,皮蛋黃夠香同熟,凍食幾清新..乜乜鵝肝(唔記得全名)--冇得頂!初初諗住叫呢d 菜九唔撘八,好食極有限,誰不知鵝肝甘香之餘且量多,四個人食都有剩..竟然係全晚最好味且驚喜既一味菜..生煎包--唔錯,新鮮煎起,咬落肉汁四濺,一流~菜螃蟹--唔掂,感覺上太熟,蛋白煮起一舊舊,好似冇咩汁咁..加上味道又麻麻,都係北京酒樓好好多~蝦仁雙面黃--不知所謂,之前睇雜誌同餐廳網頁吹到好似識飛咁,到頭來係一d 冇鮮味既蝦仁加冇咩味既獻汁加落一d 乾脆既面上,真係淡得好緊要,唔多識欣賞..乜乜炒年糕--不願置評,因為一向都唔愛食炒年糕,係媽子鐘意食先叫..蟹粉湯丸--一到個賣相嚇一跳,一碗清水裝住兩粒湯丸,跟住試試d 水,真係剩滾水..同哥望一望兩粒野,一橙橙地色,一綠色,初初都以為係一種賣相,
由於遲放工,所以去到時d前菜己經比屋企人掃哂..
四條友叫左蟹粉湯包,皮蛋豆腐,乜乜鵝肝,生煎包,菜螃蟹,蝦仁雙面黃,乜乜炒年糕,後尾見蟹粉湯丸$20得兩粒,又試左一客,再叫埋豆沙窩餅同酒釀丸子做甜品..
蟹粉湯包--幾正,個人認為比得上台灣永康街鼎泰豐老店..
皮蛋豆腐--唔錯,皮蛋黃夠香同熟,凍食幾清新..
乜乜鵝肝(唔記得全名)--冇得頂!初初諗住叫呢d 菜九唔撘八,好食極有限,誰不知鵝肝甘香之餘且量多,四個人食都有剩..竟然係全晚最好味且驚喜既一味菜..
生煎包--唔錯,新鮮煎起,咬落肉汁四濺,一流~
菜螃蟹--唔掂,感覺上太熟,蛋白煮起一舊舊,好似冇咩汁咁..加上味道又麻麻,都係北京酒樓好好多~
蝦仁雙面黃--不知所謂,之前睇雜誌同餐廳網頁吹到好似識飛咁,到頭來係一d 冇鮮味既蝦仁加冇咩味既獻汁加落一d 乾脆既面上,真係淡得好緊要,唔多識欣賞..
乜乜炒年糕--不願置評,因為一向都唔愛食炒年糕,係媽子鐘意食先叫..
蟹粉湯丸--一到個賣相嚇一跳,一碗清水裝住兩粒湯丸,跟住試試d 水,真係剩滾水..同哥望一望兩粒野,一橙橙地色,一綠色,初初都以為係一種賣相,咬一口橙色既,幾香蟹味,不過十蚊粒略貴..跟住我哥吞左成粒綠色丸,發現原來唔係蟹粉,相信係比錯左..不過食都食左,死冇對証,廚房既疏忽令整餐飯蒙上污點..
甜食--熱呼呼既豆沙窩餅好難唔好食,不過酒釀丸子味道有d 怪,唔係太能接受..
埋單五百幾,唔係平,不過一試冇妨,個人認為點心出色,其餘既炒面飯就失色一d..
要一提係waitess既common sense,個湯丸黎到時,佢地不慎將隻匙跌左落d 水度,佢竟然夠膽死當住我地面問我地借對食過既筷子將隻匙"了"番上黎,過份..比d 火爆d 既客一定拍鬧人..真係...
張貼