板長壽司 (已搬遷) 新店位置

放假入屯門探嫲嫲順便同佢食個午餐呢間板長裝修得幾唔錯，而且環境幾舒服。叫咗一客帆立貝刺身，普普通通，唔會有腥味，咬落都幾有口感。甜蝦壽司就幾唔錯，甜蝦算係中等大隻，而且味道幾鮮甜佢哋嘅三文魚壽司好值得推薦，三文魚腩好肥美！好香三文魚味！其餘嘅蟹柳壽司、玻璃蝦壽司等等都好普通。呢個燉蛋真心好好味！啱啱蒸熟，熱辣辣，每一啖蛋都有淡淡的冬菇香味同蟹柳嘅鮮甜味！