嵐石 - 海鮮&牛扒餐廳 (已結業)

難得放假！天氣又好，咁就去赤柱行吓，順便食個晏晝，放空一下，放鬆心情！感覺真好⋯⋯行吓行吓，吹住微風，但奈何太陽好鬼猛，所以我哋都係即刻搵嘢食！我哋叫咗兩個set lunch!分別有圖片果啲，自己睇啦！我覺得蕃茄凍湯好好飲，有濃濃嘅蕃茄味，而且加咗青瓜粒，感覺好清新！咁熱嘅天氣飲啖簡直透心涼！正👍🏻生𧐢都好新鮮，唔太咸，但有海水味！另外鵝肝亦外脆內軟，就算唔點汁亦好夠味！至於兩個主菜我就覺得一般，老公話個Burger直頭係難食！因為塊漢堡又硬又冇乜肉汁，而且啲味好怪😫！紅蝦海鮮飯好足料，而且海鮮亦算新鮮！至於甜品向來都係我至愛，加上半價已經食到，感覺好抵，就算飽都要食啦⋯⋯雖然賣相平平無奇，但食落唔錯！抹茶芒果拿破崙，個餅底脆卜卜而且中間果啲Cream唔太甜，而且芒果有啲酸酸哋嘅醬，好食！因為平日去嘅關係，人唔太多，慢慢食住嘢吹下風，個景又靚，令人心曠神怡！