凱柏冰室 (已結業)

去完Donki血拼之後，都六點多，落了去樓下的餐廳食晚餐，望住個海景食飯真係心情都好d。這裏有中式煲仔菜外，還有鐵板扒及常餐等，款式唔算太多。鐵板牛扒拼雞扒配黑椒汁牛扒比較薄，肉質都很腍，反而雞扒味道較好，又夠嫩滑，另外還有火腿及腸仔等，炸薯條就比較腍，黑椒汁很惹味。咖哩牛腩煲配白飯牛腩份量極多，有差不多6-7件，炆得又腍又入味，咖哩帶點微辣，薯仔又夠腍，送飯一流，整煲夠兩人分享。最後飲返杯檸樂去除辣味感。