影片
更多
2023-07-28
4510 瀏覽
一直想試嘅中菜館，趁住慶祝週年紀念就去左試，但好可惜早兩星期都預約唔到窗邊位置，因為可以望到海，睇住夜景黎食飯絕對加分。值得一提呢到嘅服務超級唔錯，好有禮貌同耐性解答問題。本身主要係想食片皮鴨但黎到先知最少要叫一隻，2個人真係冇辦法，而佢2人套餐有啲敏感野食而冇叫到，最後只可單點。🔥招牌叉燒 $105★★☆☆☆叉燒好失望，完全係below average，出名啲嘅茶餐廳水準都好似好過佢。一黎唔夠焦香感，蜜汁唔夠，但舊叉燒肥瘦比例係幾好，肉質都冇話好軟稔，唔值呢個價錢。🔥凍頂烏龍茶煙燻鴿 $198★★★☆☆一上枱就好大陣煙燻味，食落都幾香入味，一入口先食到滷水味，再有少少茶燻香。鴿肉幾嫩滑，不過係少肉左啲啲，但鐘意食骨嘅我覺得唔錯。因為細隻，鴿髀、鴿翼食起上黎有啲麻煩。一隻係大概2個人嘅份量。🔥桂花梨伴淮山黑醋豬柳 $278★★★★☆呢個類似咕嚕肉，炸到好酥脆，即使即到尾聲都仲保持到好酥脆，抵讚。個咕嚕肉醬汁比起一般汁更酸，帶有黑醋個種味，夠哂酸甜，餸飯一流。而豬柳肉質幾鮮嫩，有肥有瘦，唔會乾爭爭。不過食多幾舊會開始有啲膩。🔥荷葉帶子飯★★★★☆呢個飯係成餐飯最出色嘅一道菜式，個飯做到粒
一直想試嘅中菜館，趁住慶祝週年紀念就去左試，但好可惜早兩星期都預約唔到窗邊位置，因為可以望到海，睇住夜景黎食飯絕對加分。值得一提呢到嘅服務超級唔錯，好有禮貌同耐性解答問題。
本身主要係想食片皮鴨但黎到先知最少要叫一隻，2個人真係冇辦法，而佢2人套餐有啲敏感野食而冇叫到，最後只可單點。
🔥招牌叉燒 $105★★☆☆☆
叉燒好失望，完全係below average，出名啲嘅茶餐廳水準都好似好過佢。一黎唔夠焦香感，蜜汁唔夠，但舊叉燒肥瘦比例係幾好，肉質都冇話好軟稔，唔值呢個價錢。
🔥凍頂烏龍茶煙燻鴿 $198★★★☆☆
一上枱就好大陣煙燻味，食落都幾香入味，一入口先食到滷水味，再有少少茶燻香。鴿肉幾嫩滑，不過係少肉左啲啲，但鐘意食骨嘅我覺得唔錯。因為細隻，鴿髀、鴿翼食起上黎有啲麻煩。一隻係大概2個人嘅份量。
🔥桂花梨伴淮山黑醋豬柳 $278★★★★☆
呢個類似咕嚕肉，炸到好酥脆，即使即到尾聲都仲保持到好酥脆，抵讚。個咕嚕肉醬汁比起一般汁更酸，帶有黑醋個種味，夠哂酸甜，餸飯一流。而豬柳肉質幾鮮嫩，有肥有瘦，唔會乾爭爭。不過食多幾舊會開始有啲膩。
🔥荷葉帶子飯★★★★☆
呢個飯係成餐飯最出色嘅一道菜式，個飯做到粒粒分明之餘夠乾身，荷葉味道好突出。加上超足料，啖啖都係勁滿足。飯入面有蝦、帶子、肉粒呢啲配料，食落口真係一個字「鮮」。
蓮蓉包★★★★☆
蓮蓉包個包好鬆軟，餡料唔會太甜剛剛好，蓮藕餡好香入面仲有咸蛋黃， 熱辣辣食好正。因為慶祝紀念日，叫左寫字，睇得食得！
🌟總括：服務、環境一流，食物一般正常，但招牌菜叉燒完全唔得。呢到嘅菜式都可以問下有冇得減半之類，咁樣少人都可以多叫幾款，但建議多人黎食都好啲！
張貼
