六合小巷 (已結業)

點解會幫襯? 主要係俾佢嘅燈籠吸引咗，無論門口/店內都掛滿燈籠，真係好靚， 環境靚都會食得多啲，人都開心啲。午市時間，我揀咗個六合午市套餐$65前菜揀咗烏醋拌雲耳青瓜，主食揀咗台南肉燥飯，飲品方面是古早味冬瓜茶，另外加咗$18小食鴛鴦地瓜條先來說說主食滷肉飯，滷肉炆得好淋好入味，細細粒，幾乎不用咀嚼就融化在口腔鐘，濃度和鹹道適中，用來拌飯吃簡直是無敵，另一亮點是加了鵪鶉蛋，細細隻好入味，細細粒嘅鵪鶉蛋同細細粒嘅肉燥好夾。烏醋拌雲耳青瓜，是一道清新開胃嘅前菜，微微帶酸，口感爽口。鴛鴦地瓜條包括咗紫色番薯和黃色番薯，食落好似粗薯條，但味道偏甜，是一道非常可口的小吃，伴上蜂蜜吃甜上加甜，真的會讓人停不下口呢！麻薯奶茶$26 一坨坨的麻薯，口感軟而有黏性，想不到用來製作飲品極具特色，把平凡變得不平凡。古早味冬瓜茶，盛載冬瓜茶嘅玻璃杯好別緻，自家製超好味，充滿冬瓜清甜香氣。