氣日本料理 (已結業)

好耐無去過AT Corner，因為之前幾次試過都一般。今日有客請食Lunch提議黎呢度，諗住唔駛自己俾錢就再試無妨。一入到去已經見到Salad Bar，原來而家午市做緊套餐，加$38就有自助沙律吧、麵豉湯、甜品同飲品，套餐平均價錢$58-$108，加埋$38有個無敵海景都算幾抵食既。 諗住自助沙律都唔會好得去邊，點知D車厘茄幾新鮮，選擇唔多但樣樣都唔錯，粟米都好甜，食落幾醒胃。 主菜我就叫左個銀鱈魚西京燒，煮得幾香口，魚身幾滑，點埋沙律醬酸酸地都食多左兩啖飯，不過portion略嫌少左D，送飯就唔係幾夠喉。食完同個客望住個海傾下計，真係幾寫意，唔經唔覺就食左2個鐘，坐到唔願返去做野…佢個lunch set個價錢同質素都唔錯，值得俾機會佢再黎encore。