Penthouse (已結業)

同老死慶祝生日，揀左呢間有夜景嘅米芝蓮餐廳，過返個浪漫嘅夜晚。餐廳位於銅鑼灣金朝陽中心頂樓，餐廳當晚有公司包左一個角落，好彩都被安排坐響落窗邊。 餐廳環境舒適，枱與枱間唔會太迫，唔會有局促感，傾計都唔會被騷擾，又唔會騷擾到人。先點左兩杯飲品，我揀左杯signature cocktail 'i m sexy and i know it'，賣相一流，粉紅色上又有玫瑰花碎，感覺真係好sexy，酒味唔會太重，vodka中帶有淡淡檸檬香味，又靚又好飮。餐廳先提供左免費嘅香草醬麵包，麵包香脆內軟，配上香草醬，酸酸地，開胃非常。我地兩人先點左一份starter， Deviled crab cake，蟹餅絶對係承意十足，啖啖蟹肉，煎得香脆可口，配合三種不同醬汁，酸辣，香草，芥末，每一款汁都同蟹餅十分配合，可口又唔會油，絶對係食過最好味嘅蟹餅。龍蝦尾下配上蕃茄醬汁，再配有一粒粒似是年糕，原來係薯仔蓉同麵粉製成嘅，口感有少少似上海年糕，有薯仔味，配合蕃茄醬，好好味，最值得推介嘅係龍蝦尾，鮮甜無比，一D雪味都無，應該係新鮮龍蝦。 喜歡嘅係看似平平無奇嘅露筍，side dish係少有餐廳用嘅大條露筍，又嫩又