影片
更多
2022-10-04
326 瀏覽
疫情期間好多人都叫多咗外賣，而買外賣亦逐漸變成我嘅習慣😂 有日喺北角俾我發現Freshlane呢個美食基地，佢係主打外賣嘅餐廳平台🥡 睇嚟隨著外賣嘅興起，餐飲業界都因而衍生出全新嘅經營模式呢～ Freshlane暫時喺西營盤、灣仔同北角都有分店，提供30多間餐廳品牌任客人選擇，佢哋最近仲喺荃灣新豐工業大厦開設新店⛳️ 我今次就去咗北角城市花園分店去買外賣😏當日去到北角Freshlane就見到門口位置有部自助點餐機，界面好user-friendly，入到去點餐頁面就見到有多款菜式可以揀，有日式、台式、港式都有，好多元化，我今次就揀咗我至愛嘅印尼菜「Bali Bowl」試吓😛 一order完等大約15分鐘就可以上1樓取餐智能櫃拎外賣，呢種取餐模式真係好新奇，成個過程都係自助唔會接觸到任何人，夠哂安全衞生😆 ❤️ 印尼香辣雞飯 Spicy Chicken Rica Bowl $118相信呢個係全店最辣嘅一道印尼菜，有標明兩個辣椒仔，而菜名Rica係有辣嘅意思🌶🌶 一個bowl有兩大嚿雞，雞肉用rica sauce去醃，餐廳用上8種唔同香草及香辛料混合而成，第一啖覺得辣度還好，點知後勁驚人🔥辣度真
睇嚟隨著外賣嘅興起，餐飲業界都因而衍生出全新嘅經營模式呢～ Freshlane暫時喺西營盤、灣仔同北角都有分店，提供30多間餐廳品牌任客人選擇，佢哋最近仲喺荃灣新豐工業大厦開設新店⛳️ 我今次就去咗北角城市花園分店去買外賣😏
當日去到北角Freshlane就見到門口位置有部自助點餐機，界面好user-friendly，入到去點餐頁面就見到有多款菜式可以揀，有日式、台式、港式都有，好多元化，我今次就揀咗我至愛嘅印尼菜「Bali Bowl」試吓😛
一order完等大約15分鐘就可以上1樓取餐智能櫃拎外賣，呢種取餐模式真係好新奇，成個過程都係自助唔會接觸到任何人，夠哂安全衞生😆
❤️ 印尼香辣雞飯 Spicy Chicken Rica Bowl $118
相信呢個係全店最辣嘅一道印尼菜，有標明兩個辣椒仔，而菜名Rica係有辣嘅意思🌶🌶 一個bowl有兩大嚿雞，雞肉用rica sauce去醃，餐廳用上8種唔同香草及香辛料混合而成，第一啖覺得辣度還好，點知後勁驚人🔥辣度真係唔惹少🥵 不過辣醬無搶哂味，雞肉依然鮮滑，相當惹味😋 配埋太陽蛋、青瓜、生菜及蕃茄，分量好夠好飽啊🤰🏻❤️ 巴東牛肉飯 Beef Rendang Bowl $118
呢碗同樣有太陽蛋、青瓜、生菜及蕃茄🍅
佢哋嘅巴東牛肉椰香十足，燉得香濃入味🥥 辣度比香辣雞溫和得多，落得唔算重手，醬汁濃且乾身，唔會水汪汪咁，好重香料味，香料味充斥成個口腔，送飯一流👅❤️ 沙嗲雞肉串 Chicken Satay with Peanut Sauce 3pcs (跟餐+$38)
食印尼嘢必叫沙嗲😽 沙嗲連皮燒，雞肉燒得好香口，肉質唔嚡👌🏻 附上秘製醬汁，可按喜好蘸點或直接淋上沙嗲上，有濃郁香甜花生香，鹹中帶甜好滋味～餐廳推薦度：⭐️⭐️⭐️⭐️ (4/5)
點餐同取餐過程都好順利同方便快捷，可以喺短時間內享受熱辣辣高質外賣😎 對我嚟講係全新嘅體驗呢～
張貼
