一芳台灣水果茶 (港晶中心)

營業中

休息中

難得有人肯請野飲，當然想試下唔同嘅野，見到一芳有冬季限定，都想試下水果茶以外嘅野飲，可惜芋頭鮮奶同芋頭奶綠已經無得試。天寒地凍，我就叫左薑汁粉圓鮮奶（$29，熱，甜度固定）。買左之後因為臨時有野做，過左成兩個鐘先飲，都幾驚珍珠會唔會浸到發晒又唔好飲。一飲之下，咦，又唔會喎。我有幻想過薑汁鮮奶會唔會有可能好似薑汁撞奶咁嘅甜品，咁當然唔會啦。雖然杯野飲已經凍晒，不過因為有加薑汁，飲落去仲會辣辣地，成個人都暖晒，珍珠唔會太甜，仲好咬口，非常適合冬天飲。