まいど

營業中

休息中

今日心情有d複雜，天氣好似涼左d，但我只係着左短袖。出左門口唔想反去，所以唯有揾的暖野食。打邊爐係正，但一熄爐感覺又凍反，食辣嘢反而耐寒，因為辣味刺激五內翻騰。而食辣野我第一時間梗係諗起韓國菜。🍖就係咁我黎到呢間餐廳，睇住餐牌即刻想點一直深入民心嘅辣炒拉面。仲比我發現有驚喜，佢嘅炒拉面仲有埋芝士同年糕。結果係個口感非常豐富，拉麵喺爽彈，年糕喺煙靱，芝士柔軟，而且因為溫度夠熱，撈埋一齊做到好強既拉絲效果，視覺同口感都變化萬千。味道亦都係相當出色。芝士份量十足，又非常濃郁。另一方面傳統嘅韓式辣醬簡直就係呢一個麵嘅靈魂。彎彎曲曲嘅拉麵同圓碌碌既年糕都非常容易掛上醬汁。韓式辣醬獨有嘅辣勁，會令您越食越過癮，越想追食。因為個胃充滿左辣醬同澱粉質，頓時成個人暖哂。🍖另外我又叫左雪濃湯，熱辣辣嘅牛骨湯味道真係好濃郁，入面既牛肉略帶肥肉，又適當帶有嚼勁，配合埋相對煮得林身嘅麵條，口感豐富，又係一個一口接一口，唔捨得停既菜式。✨️就係咁，我一啖拉面又一啖雪濃湯，一個人完成左兩個菜式。離開嘅時候，成個暖哂，而且飽住個肚，感覺成個下午身體都特別強壯。體力滿滿。