影片
更多
2020-11-13
661 瀏覽
今日同哥仔早咗食晚餐，食完野都唔係好飽，所以就去咗食糖水😋。大角咀嘅呢間麥太甜品，喺大角咀奧海城一期，地方唔難搵。周圍有好多麥兜公仔陪你食嘢。地方都算乾淨同舒服，傾偈一流。糖水舖又係社企，又有麥兜主題都係第一次去。佢哋既幫助婦女就業，又推廣本地動畫，都值得支持下。平時我哋去糖水舖都係食西式甜品居多，但係今日心血來潮，就叫咗兩個中式甜品加湯丸-自家製麥太腰果露 配芝麻湯丸自家製麥太芝麻糊 配花生湯丸店員都好細心，問我哋需唔需要湯丸另上。以為主角係芝麻糊或者腰果露，原來竟然係湯丸跑出😋湯圓咬落都好煙韌，食落有濃郁嘅花生香。可惜我哋只係叫咗兩粒，真係好想食埋哥仔嗰份😝芝麻湯圓都好好味，有炒香嘅芝麻味，不錯不錯。如果我再嚟嘅話，應該會叫淨花生湯圓😂喺我哋食嘅時候，我見到都有人買淨湯圓外賣。可能呢區啲人都知道湯丸好食。臨走之前，比我發現Like 社交平台 仲有麥兜貼紙送。店員姐姐仲送多咗一個俾我。哈，小朋友黎嘅話應該會好開心😃
大角咀嘅呢間麥太甜品，喺大角咀奧海城一期，地方唔難搵。周圍有好多麥兜公仔陪你食嘢。地方都算乾淨同舒服，傾偈一流。糖水舖又係社企，又有麥兜主題都係第一次去。佢哋既幫助婦女就業，又推廣本地動畫，都值得支持下。
平時我哋去糖水舖都係食西式甜品居多，但係今日心血來潮，就叫咗兩個中式甜品加湯丸-
自家製麥太腰果露 配芝麻湯丸
自家製麥太芝麻糊 配花生湯丸
店員都好細心，問我哋需唔需要湯丸另上。
以為主角係芝麻糊或者腰果露，原來竟然係湯丸跑出😋
湯圓咬落都好煙韌，食落有濃郁嘅花生香。可惜我哋只係叫咗兩粒，真係好想食埋哥仔嗰份😝
芝麻湯圓都好好味，有炒香嘅芝麻味，不錯不錯。如果我再嚟嘅話，應該會叫淨花生湯圓😂
喺我哋食嘅時候，我見到都有人買淨湯圓外賣。可能呢區啲人都知道湯丸好食。
臨走之前，比我發現Like 社交平台 仲有麥兜貼紙送。店員姐姐仲送多咗一個俾我。哈，小朋友黎嘅話應該會好開心😃
張貼
