川府宴 (已結業)

約埋姐妹一起十下十下~暖暖胃。呢度主打川菜，梗要試下川味冷盤，嫩滑雞絲配爽口海蜇，芝麻味濃，小小辣味。好正~來到打邊爐啦，湯底多選擇，本身想要麻辣燙底又怕熱氣，食清小小,選左個豬骨湯底。大大個煲有三四舊豬骨，熬到奶白色。就咁飲個湯底都好正！有一樣必食，就係魚唇啦，口感爽脆，多膠質。大大件，又鮮新。滿滿膠原蛋白呀~我地仲叫左原隻花膠仔，還可以。再來個花雕雞件，醃得好入味，就算滾多兩滾依然嘗到花雕酒味，雞肉好嫩滑。