新記煲仔雞粥 (已結業)

今晚主子話想食得冇咁heavy, 就黎左呢度食粥, 不過食既野都唔算清, 我地叫左窩貴妃雞豬潤粥, 粥底綿就不在話, 而且雞又夠味, 配埋爽彈既豬潤, 呢個粥係凍既天氣食好正, 仲有叫蜆介鯪魚球, 鯪魚球乒乓波咁大粒, 而且好彈牙, 配上蜆介, 唔錯, 脆皮乳鴿都好熱, 皮脆肉嫰, 之後叫左xo醬炒蘿蔔糕, 蘿蔔糕切到大大粒, 配xo醬, 小辣, 都可以接受, 成餐飯冇叫菜, 我地就叫左xo醬手拍青瓜, 青瓜好爽甜而且唔太辣, 咁樣反而我喜歡, 簡單一餐, 但已經大滿足。