鐵魚川式食堂 (已結業)

呢幾晚開始天氣凍，好彩一早約左朋友去鐵魚食火鍋，可以暖下身之餘，又可以同朋友慢慢食野聚舊。話說，香港食火鍋既餐廳真係好多，而呢間我睇完食評之後，真係好吸引我呢d想試新野又花心既人去食！😍黎到餐廳，感覺裝修都幾有格調，可以人少少兩個人食，又可以一家大細黎食，唔錯！我同我好朋友因爲得兩個人既關係，就只係叫左「銅魚」餐既青檸越式烤魚，由店員介紹食江團魚，話質感會滑d多肉d，於是我地就決定一試。仲有好多惹味前菜☘️☘️過左一陣，一大盆又香又熱既魚鍋送上，店員好細心咁幫我地調教熱度同切細條魚，等我地可以食得容易d，然後仲不時幫我地加水，服務好好。講番條魚先，食落第一啖，真係好香口又啖啖肉，店員話係烤過先再湯煮，所以會封住魚既鮮味又唔會散，而且呢隻魚又唔多骨，加上青檸酸酸甜甜既味道，好鬼開胃！我同朋友都食到唔記得仲有其他海鮮同配菜。由於我地都唔算大食，所以「銅魚」可以選擇既四款海鮮：海蝦、聖子、花蛤同托托蜆，雖然唔係任食，但份量都已經好足夠，而且食落都好新鮮。另外肉類方面，我地就選左手切安格斯牛、黑豚腩片、黑椒腸同芝士雙響，真係又有驚喜喎！每款肉類都好高質，尤其安格斯牛，佢每片既厚度都剛剛好，而且又好