廚匯濃湯雞

營業中

休息中

個日天氣凍冰冰，同朋友兩人周圍搵，想食返個熱辣辣既飯，最後去左廚匯濃湯雞 墨魚餅外脆內軟，彈牙爽口！😍 墨魚味好香濃，加上香芹嘅清新，幾惹味！出色！跟住就到主角出場啦！🥁 我哋叫咗兩個鍋，分別係 花膠濃湯雞鍋同 魚湯濃三寶鍋，兩個鍋都係配米線🍜。花膠濃湯雞鍋湯底濃郁，充滿住雞嘅鮮甜味！🤤 花膠唔算厚身，但幾有口感！ 雞肉都好嫩滑，唔會鞋口！👍🏻 配埋滑溜溜嘅米線，真係好滿足！魚湯濃三寶鍋湯底都濃郁，有魚鮮味！ 三寶分別魚腐、魚片頭、潮州白魚蛋，全部幾有口感！😋 呢個鍋都好好食，不過我個人就比較鍾意花膠濃湯雞鍋多啲！😉總括嚟講，「廚匯濃湯雞」食物質素都唔錯！💯 湯底濃郁，配料豐富，價錢非常合理！特別推介冬天去食，暖立立!