新麻蒲 BBQ (已結業)

依排天氣咁反覆，市區錄得2度，要食返少少暖野暖下肚。新麻蒲除左燒肉岀名，原來都有部隊鍋食😳😳 依個韓鍋只係得旺角分店有得食，旁邊有芝士鍋爐邊，個餐份量都好足。有韓肉，豬，各種海鮮(蝦，魷魚。。)同麵食。 海鮮方面。佢個隻魷魚好大隻。蝦同魷魚都係鮮甜的，食到有海水味。不過我覺得蜆，帶子同青口就一般，因為縮哂水同有少少粉。 肉食方面豬同牛同埋顏色好鮮豔，睇落好新鮮。。最緊要係冇雪味。豬肉切到好薄，所以好容易入味。而韓牛夾落去好軟，單食的牛味會重少少，或者可以加芝士食，會有比較濃味，不過會少少哂左韓牛的本身喔。