雲南啊老表黑山羊湯鍋米綫 (已搬遷) 新店位置

天氣又冷了，得返十二度，想食啲熱野暖下肚，同朋友黎左食羊肉湯麵，好暖和嘅配撘落完單等食了，枱上有兩種辣椒醬，紅醋，鹽等調味料。兩碗麵好快就上枱了，要了一碗大羊肉配酸辣湯（$50），一碗小羊肉配清湯（$39）。小碗其實都唔細，羊肉薄切，有很多片，米線很多，清湯味道有點淡，自己加調味料調味吧。大碗酸辣湯，酸酸地微辣，呢個湯底幾好味喎。羊肉有皮但基本上全瘦肉，但不會鞋口，個人覺得口感不錯，朋友則賺太薄。米線吸了不少湯汁，有點過淋了，但真係好大碗，勁飽肚。韮菜水餃（$28）一碟有十隻，好有家庭feel的餃子，皮煙韌厚身，餡料也不少，點一點醋加辣椒醬勁正。簡簡單單又一餐，食飽飽暖笠笠lu