影片
更多
2022-12-03
85 瀏覽
天氣開始轉凍，但係又好想食壽司，身邊人又想食熱嘢，喺商場見到依間餐廳有刺身，又有得食熟食，咁就入去啦。位置都算係寬躺，見到好多人喺入邊食緊，相信質素有相當保證，見到櫥窗上面有好多龍珠同埋海盜王嘅模型。店員隨即奉上熱茶一杯，天氣凍有一杯熱茶確實係暖入心。見到餐牌上面都有唔同嘅食品，沙律，小食，刺身一應俱全，每樣都好想試吓，選擇困難症嘅我哋終於揀到幾款食物。首先有三點刺身盛，有甜蝦、三文魚、章紅魚薄切。甜蝦大小適中，已經剝咗身上嘅殼，食落去係鮮甜嘅，而且仲食到蝦頭嘅膏。三文魚係厚切，唔會話得張紙咁薄，而且紋路鮮明，食落去唔會有魚腥味，係啖啖肉。我自己就鍾意食章紅魚，店員配上加上蔥花嘅醋，點咗醋嘅魚食落去十分開胃，而且更加突顯到魚嘅鮮味。之後係網燒美國牛扒，份量都唔少，有大概八舊，雖然唔係用厚嘅牛扒，但係亦都唔會因為咁樣而過熟，煮得啱啱好。肉質夠嫩口，唔會咬唔開，唔黏牙，有豐富的油脂，加上燒汁十分配合同惹味，而且有配上撈上芝麻醬嘅沙律，十分健康，沙律菜亦十分爽口，可以中和返食牛扒嘅味道，清一清味蕾。再之後係千回火鳥三隻，每隻燒到蜜糖色，加上有少許胡椒吊味，令燒雞更添香氣，咬落去有肉汁，亦係嫩
見到餐牌上面都有唔同嘅食品，沙律，小食，刺身一應俱全，每樣都好想試吓，選擇困難症嘅我哋終於揀到幾款食物。
首先有三點刺身盛，有甜蝦、三文魚、章紅魚薄切。甜蝦大小適中，已經剝咗身上嘅殼，食落去係鮮甜嘅，而且仲食到蝦頭嘅膏。三文魚係厚切，唔會話得張紙咁薄，而且紋路鮮明，食落去唔會有魚腥味，係啖啖肉。我自己就鍾意食章紅魚，店員配上加上蔥花嘅醋，點咗醋嘅魚食落去十分開胃，而且更加突顯到魚嘅鮮味。
之後係網燒美國牛扒，份量都唔少，有大概八舊，雖然唔係用厚嘅牛扒，但係亦都唔會因為咁樣而過熟，煮得啱啱好。肉質夠嫩口，唔會咬唔開，唔黏牙，有豐富的油脂，加上燒汁十分配合同惹味，而且有配上撈上芝麻醬嘅沙律，十分健康，沙律菜亦十分爽口，可以中和返食牛扒嘅味道，清一清味蕾。
再之後係千回火鳥三隻，每隻燒到蜜糖色，加上有少許胡椒吊味，令燒雞更添香氣，咬落去有肉汁，亦係嫩口，落埋檸檬汁又會令成隻雞嘅味道更加清新。
最後係櫻花蝦鯛魚湯泡飯，店員會上菜嘅時候先再落湯汁，熱辣辣嘅熱鍋遇上湯嘅時候就變成好似煲仔飯咁樣，視覺上已經有好好嘅享受。飲落去個湯係魚湯嘅鮮甜，個有奶白色，唔會有魚腥味，而且唔會好油，好清爽，由於係上菜嘅時候先落湯令到啲米唔會浸到好淋，有啲似潮州粥，份量每人都可以分到兩碗，再加上帶子，大蝦，櫻花蝦同菜，同埋附送嘅蔥，飯素同埋脆米，令到口感更加豐富突出。
張貼
