影片
更多
2022-12-18
123 瀏覽
天氣凍冰冰最啱就係食火鍋，青衣城呢間成日都好多人等位，今次就黎試下佢有幾好食！我同朋友都鐘意打邊爐食牛，就揀咗SET D美牛三重奏，入面包任食美國SRF和牛、極品美國牛小排同美國CAB牛坑爪，另外仲可以食SET A、B、C的食物，變相一個放題價錢可以食到四個的食物，90分鐘放題都係$300， 真係超抵！一人鍋湯底有11款的選擇，當中揀咗濃郁台式麻辣鴨血湯同清甜的壽喜燒風味湯底，麻辣鴨血湯真係夠麻夠辣，愈食愈濃味，配美牛套餐就啱哂。除咗雞牛豬之外，自助放題區仲有各類的丸、多款任夾的配菜。雪櫃入面有多種新鮮翠綠的蔬菜，我地食咗油麥菜，配壽喜燒味道好清甜，仲有中華沙律、野菜沙律等開胃前菜。飲品多到真係會有選擇困難症，有啱哂女仔的無糖茶。食之前要記得去混醬，有9樣火鍋配料任揀。一次過用QR CODE落單，先黎每樣一款先，都已經好壯觀。肉類真係CP值高，牛肉雪花夠密，顏色夠紅，牛味勁濃，配麻辣湯底都唔會比佢蓋過。豬肉片夠薄，淥一陣已經食得。雞肉唔好忽略啊，淥耐咗都唔會柴，唔會輸比牛同豬。麻辣真係太辣，要食得舒服可以食仲支雪條食，有三款明治雪條同一款蜜瓜雪糕，海鹽荔枝雪條真係好正，清清地唔係好甜又
天氣凍冰冰最啱就係食火鍋，青衣城呢間成日都好多人等位，今次就黎試下佢有幾好食！
我同朋友都鐘意打邊爐食牛，就揀咗SET D美牛三重奏，入面包任食美國SRF和牛、極品美國牛小排同美國CAB牛坑爪，另外仲可以食SET A、B、C的食物，變相一個放題價錢可以食到四個的食物，90分鐘放題都係$300， 真係超抵！一人鍋湯底有11款的選擇，當中揀咗濃郁台式麻辣鴨血湯同清甜的壽喜燒風味湯底，麻辣鴨血湯真係夠麻夠辣，愈食愈濃味，配美牛套餐就啱哂。
除咗雞牛豬之外，自助放題區仲有各類的丸、多款任夾的配菜。
雪櫃入面有多種新鮮翠綠的蔬菜，我地食咗油麥菜，配壽喜燒味道好清甜，仲有中華沙律、野菜沙律等開胃前菜。飲品多到真係會有選擇困難症，有啱哂女仔的無糖茶。
食之前要記得去混醬，有9樣火鍋配料任揀。
一次過用QR CODE落單，先黎每樣一款先，都已經好壯觀。
肉類真係CP值高，牛肉雪花夠密，顏色夠紅，牛味勁濃，配麻辣湯底都唔會比佢蓋過。豬肉片夠薄，淥一陣已經食得。雞肉唔好忽略啊，淥耐咗都唔會柴，唔會輸比牛同豬。
麻辣真係太辣，要食得舒服可以食仲支雪條食，有三款明治雪條同一款蜜瓜雪糕，海鹽荔枝雪條真係好正，清清地唔係好甜又可以解辣。
我地女仔食就好夠，但男士要食多D仲有咖哩飯、炸池魚仔、炸雞等熟食，當中枝豆係必叫，係火鍋店好少見的。
最後當然要食甜品做結尾，5款蛋糕同泡芙都好好食，當中有我最鐘意食BROWNIE。
張貼
