影片
更多
2021-11-25
527 瀏覽
天寒地凍最正就係去打邊爐，之但係晏晝流流就好似唔係幾啱咁，不如就去飲茶一樣可以暖粒粒。就去中環飲茶嘆茶啦！我第一次去喱間飲茶原來入面啲裝修咁盞鬼。老婆大人叫咗喱壺荔枝玫瑰非常香濃，仲要沖咗好多泡水都仲好夠品茶錢抵比。叫咗幾樣點心最靚仔一定係喱籠鴿吞鳳梨即係鳳梨酥，雀仔造型好省鏡食落仲好鬼鬆脆添。飲茶一定食蝦餃喱個仲要係粉紅蝦餃姣到呢！皮爽餡足味道正宗仲好大粒ok喎。喱一籠八戒個囧樣真係好好笑，個味道就係叉燒包咁味。老婆大人最暖心知我鍾意食五柳炸鮮雲吞點咗一份醒我，喂香脆又唔油仲要有好大隻蝦肉喺入面掂啊。食完點心我哋叫咗啲新出嘅秋冬菜食，香口嘢有喱個蟹粉蝦多士，大大隻蝦瞓喺熱辣辣嘅炸多士上，倒啲蟹粉落去一齊食冇話唔好食。之後喱個蟹粉蝦仁豆腐都好鬼正斗，蟹粉唔會腥豆腐滑嘟嘟，如果有白飯真係爬兩碗都得。講到送飯喱個荔芋臘味煲都係好拍擋，冬天嘅芋頭又粉又淋加咗油香十足嘅臘味，食完成身都暖晒。最後仲有香噴噴嘅啫啫蝦干芥蘭煲，蝦干好大隻又夠咸香芥蘭好脆口，喱煲菜勁好食正呀，可惜食飽冇得思床褥要返工啦。飲茶Yum Cha電話號碼：37088081地址：中環德輔道中173號南豐大廈2樓1-2號舖
就去中環飲茶嘆茶啦！我第一次去喱間飲茶原來入面啲裝修咁盞鬼。
老婆大人叫咗喱壺荔枝玫瑰非常香濃，仲要沖咗好多泡水都仲好夠品茶錢抵比。
叫咗幾樣點心最靚仔一定係喱籠鴿吞鳳梨即係鳳梨酥，雀仔造型好省鏡食落仲好鬼鬆脆添。
飲茶一定食蝦餃喱個仲要係粉紅蝦餃姣到呢！皮爽餡足味道正宗仲好大粒ok喎。
喱一籠八戒個囧樣真係好好笑，個味道就係叉燒包咁味。
老婆大人最暖心知我鍾意食五柳炸鮮雲吞點咗一份醒我，喂香脆又唔油仲要有好大隻蝦肉喺入面掂啊。
食完點心我哋叫咗啲新出嘅秋冬菜食，香口嘢有喱個蟹粉蝦多士，大大隻蝦瞓喺熱辣辣嘅炸多士上，倒啲蟹粉落去一齊食冇話唔好食。
之後喱個蟹粉蝦仁豆腐都好鬼正斗，蟹粉唔會腥豆腐滑嘟嘟，如果有白飯真係爬兩碗都得。
講到送飯喱個荔芋臘味煲都係好拍擋，冬天嘅芋頭又粉又淋加咗油香十足嘅臘味，食完成身都暖晒。
最後仲有香噴噴嘅啫啫蝦干芥蘭煲，蝦干好大隻又夠咸香芥蘭好脆口，喱煲菜勁好食正呀，可惜食飽冇得思床褥要返工啦。
飲茶Yum Cha
電話號碼：37088081
地址：中環德輔道中173號南豐大廈2樓1-2號舖
張貼
