意粉屋 (已結業)

琴日唸住到意粉屋食特價夜宵，點知佢地有個一人一火鍋，開頭以為係芝士火鍋，但原來係蕃茄湯底，仲有好香龍蝦熬制，見隔離枱試我地一行2人又試。個海鮮鍋有帶子，龍脷魚柳，三文魚柳，都幾豐富，但我最鍾意係個湯底，真係好特別，畀多卄幾蚊可以係高級餐廳食火鍋，仲抵過去美心!個火鍋可以+$22配西冷牛肉，但其實已經好飽，若得一個人食未必要加。不過西冷牛肉又真係幾香，唔似一般打邊爐D牛肉。最後叫左杯黑糖寒天奶茶同草莓分子柚子蜜。OK啦，以優惠價+$11叫，抵過去第2度飲珍珠奶茶。