CheckCheckCin 米水茶飲 (已結業)

去完工展會吹住風睇完工展小姐，吹到頭暈暈咁，見到呢間健康飲品店，買返杯熱飲暖下身！唔知飲咩可以跟返自己嘅狀態黎揀。本身想滋潤下，想試新出嘅蘋果雪梨菊花茶，可惜賣晒，只好試返「我狀態ok」嘅熱招牌米水$28以白米、紅米及薏米煲出米水，稠身帶有米味，上面加左藜麥脆脆，功效係健脾益胃。我揀左少甜，入口係薏米水咁嘅味，好清淡，同我自己焗嘅薏米水味道差不多，$26黎講係有少少貴，不過都不失一個健康嘅選擇。P.S.現場所見全部顧客都係女仔，而且大部分都係揀熱飲，好養生。唔通呢類飲品吸引唔到男士？