海港燒鵝海鮮酒家

營業中

休息中

最近天氣開始凍，食番個羊腩煲暖暖胃。呢間酒樓嘅羊腩煲都唔錯，味道夠哂濃郁，鹹鹹哋嘅湯汁用嚟送飯一流。羊肉份量都畀得足夠，軟腍易咬， 仲有冬菇、馬蹄、支竹做配菜，十分之入味。另外叫咗蒸虎斑，虎斑正常size，蒸得啱啱好，已經夠曬鮮味，魚肉容易離骨，唔錯。蜜味欖角骨十分香甜，感覺似細細粒嘅燒金沙骨配搭蜜糖，啖啖肉甜絲絲，食唔停口。最後叫咗個蝦球伊麵，伊麵分量十足，就係蝦球分量少啲，上湯味道唔錯，基本酒樓水準。