影片
更多
2024-07-03
285 瀏覽
今日喺銅鑼灣辦完事經已晏晝三點，因為嘆咗好耐嘅冷氣又唔記得帶褸，所以覺得就嚟凍親要病。一於去食個下午茶啦，要食啱嘢至得。嚟到左近呢間上海姥姥，睇到下午茶餐有湯麵，可以化解到我週身嘅寒氣啩。門口大大隻字寫住六十幾蚊，唔算貴，就入去坐低。服務都算幾好，有帶位有斟茶有解答，不過都搵唔到紙巾喎，噉就襯唔到呢度望落去都幾講究嘅古色古香嘅環境喇。卒之點咗嫩雞煨麵、爆汁鮮蝦韭菜餡餅、熱無糖豆漿呢款套餐。雞煨麵都算多料，有雞有菜有麵有湯底，營養均衡，但係湯底香濃之餘太鹹，冚住咗雞同小棠菜嘅香味，實在冇辦法飲埋啲湯，有啲嘥。鮮蝦韭菜餡餅比較令人失望，賣相非常一般，見到兩粒餡餅嘅雙面都係煎到油冧冧，又唔似係現整好新鮮嘅樣，食落唔單止冇鮮蝦嘅口感同韭菜嘅香味（講真我係香港都好少食到有新鮮韭菜香味嘅餃子、包同餅），仲要入面爆出嘅唔係肉汁而係肥油！香港有豆漿飲嘅地方有好多，不過今次有新鮮又無糖嘅熱豆漿令我有啲驚喜。總算食咗暖笠笠嘅一餐，幾滿足嘅。埋單唔係六十幾蚊而係加到去八十幾~原來不單止有加一服務費仲要加埋茶位添！
嚟到左近呢間上海姥姥，睇到下午茶餐有湯麵，可以化解到我週身嘅寒氣啩。門口大大隻字寫住六十幾蚊，唔算貴，就入去坐低。服務都算幾好，有帶位有斟茶有解答，不過都搵唔到紙巾喎，噉就襯唔到呢度望落去都幾講究嘅古色古香嘅環境喇。
卒之點咗嫩雞煨麵、爆汁鮮蝦韭菜餡餅、熱無糖豆漿呢款套餐。雞煨麵都算多料，有雞有菜有麵有湯底，營養均衡，但係湯底香濃之餘太鹹，冚住咗雞同小棠菜嘅香味，實在冇辦法飲埋啲湯，有啲嘥。鮮蝦韭菜餡餅比較令人失望，賣相非常一般，見到兩粒餡餅嘅雙面都係煎到油冧冧，又唔似係現整好新鮮嘅樣，食落唔單止冇鮮蝦嘅口感同韭菜嘅香味（講真我係香港都好少食到有新鮮韭菜香味嘅餃子、包同餅），仲要入面爆出嘅唔係肉汁而係肥油！香港有豆漿飲嘅地方有好多，不過今次有新鮮又無糖嘅熱豆漿令我有啲驚喜。總算食咗暖笠笠嘅一餐，幾滿足嘅。
埋單唔係六十幾蚊而係加到去八十幾~原來不單止有加一服務費仲要加埋茶位添！
張貼