影片
更多
2015-12-05
1465 瀏覽
又到星期五！ 老公朋友介紹呢間，話好好味， 咁啱行到尖沙咀就坐低試下。一入去就聽到好多日文... 嘿嘿嘿 係一個好既指標日本人自己都食咁一定唔會差啦.....呱坐低望到餐牌 都幾多野食除左一般既大餐牌最重要係見到一份每月精選 見微知著，作為食客見到呢啲細心野係幾開心既 我地睇左一陣就篤定食幾樣小食 因為想試埋啲酒等緊野食到既時候左顧右盼，左右兩檯都咁啱坐左兩個日本男，幾搞笑第一碟生明太子咬落林林地 同一般熟魚子脆脆地係完全唔同 佢係個皮薄薄地一咬開就係一堆好林既魚子 因為係漬物 有啲柚子既甘香味 好唔錯呢！ 第二碟係雞肝一個字 香口！ 兩個字 啱哂飲酒！ 跟著就到刺身幾新鮮 個人中意個wasabi 係磨出黎而唔係一般行貨燒酌到，個姐姐好好人咁幫我地菇熱水再加酒落去中意新奇既朋友不妨試下 價錢唔貴 兩個人都係150起 注：朋友介紹 芋燒酌 比米或麥燒酌香 有冇食饗可以回應下呢？ 一啖暖酒入口 冇凍酒咁辛辣 再者加左水咁飲 係甘甘地 淡淡地有陣酒精味 幾特別 燒雞泡魚乾個味偏甜 有啲似豬肉乾不過佢幾有驚喜 就係個沙津醬 點完一齊食覺得個味好有趣 一定要試下 由於佢比較甜 其實三四個人都可以
一入去就聽到好多日文... 嘿嘿嘿 係一個好既指標
日本人自己都食咁一定唔會差啦.....呱
坐低望到餐牌 都幾多野食
除左一般既大餐牌
最重要係見到一份每月精選
見微知著，作為食客見到呢啲細心野係幾開心既
我地睇左一陣就篤定食幾樣小食
因為想試埋啲酒
等緊野食到既時候左顧右盼，左右兩檯都咁啱坐左兩個日本男，幾搞笑
第一碟生明太子
咬落林林地 同一般熟魚子脆脆地係完全唔同
佢係個皮薄薄地一咬開就係一堆好林既魚子
因為係漬物 有啲柚子既甘香味
好唔錯呢！
第二碟係雞肝
一個字 香口！
兩個字 啱哂飲酒！
跟著就到刺身
幾新鮮 個人中意個wasabi 係磨出黎而唔係一般行貨
燒酌到，個姐姐好好人咁幫我地菇熱水再加酒落去
中意新奇既朋友不妨試下
價錢唔貴 兩個人都係150起
注：朋友介紹 芋燒酌 比米或麥燒酌香
有冇食饗可以回應下呢？
一啖暖酒入口 冇凍酒咁辛辣 再者加左水咁飲 係甘甘地 淡淡地有陣酒精味 幾特別
燒雞泡魚乾
個味偏甜 有啲似豬肉乾
不過佢幾有驚喜 就係個沙津醬
點完一齊食覺得個味好有趣
一定要試下
由於佢比較甜 其實三四個人都可以夠食
吉列蠔及忌廉蟹餅
出菜時間較長
蠔都幾大件 佢有兩個醬可以點
蟹餅好有洋蔥味：）
幾個小菜炸物 一路送酒食下食下唔覺唔覺就飽左
今餐幾唔錯
呢間餐廳好適合一大班人隊酒食飯
或兩三個人傾計細細品嚐佢既菜式
PS 潔癖人仕留意番，佢個洗手間係乾淨既
張貼
