叉燒大王

營業中

休息中

好耐冇食燒味，香港燒味周圍都係，但講好食嘅叉燒數一數二嘅一定係河畔依間叉燒大王。唔使諗入到去，一定嗌個叉例$88。4個人食都夠食，依度嘅叉燒真係食過返尋味，唔肥唔瘦又唔硬，拍得住周星馳嗰套嘅暗然銷魂叉燒飯，我哋仲叫咗白飯，正wo係絲苗白飯。淨係睇碗白飯都唔hea絕對不是平價米, 配埋佢全日免茶芥嘅茶已經係賞心樂事。香港人整嘅叉燒真係好正。舊叉燒燒得啱啱好肉質軟淋又唔肥。老公話想食牛。我哋叫咗蜜薯牛柳粒。原來主角反而係啲薯仔外脆內軟，牛就係一般嘅牛柳粒冇特別驚喜。跟住見到個Menu有個叫做鐵板肉鬆炸茄子。睇相賣相幾靚仔所以又點左嚟食。依個都幾特別原來茄子入邊釀咗啲豬肉加鯪魚肉，又係外脆內軟。原本以為叉燒大王淨係食叉燒或者燒味一類，估唔到係依間中菜都有呢啲特別嘅菜式。如果想食好食燒味，又想坐低飲啖茶又想有鑊氣嘅大排檔就揀呢間。