醉胡爐 (已搬遷) 新店位置

打邊爐已經成為香港人嘅飲食特色, 店舖位於尖沙咀柯士甸道, 地方相當闊落, 座位寬敞, 裝修頗有格調。多款醬料以供食客自行調配, 跟個人喜好選擇。點了胡椒酸菜花膠豬肚雞鍋, 湯底是奶白色, 濃郁鮮甜, 帶有胡椒香味, 湯水充滿膠質, 花膠又厚又滑, 雞件分量相當多, 肉質幼滑, 不會鞋颯颯。打邊爐當然唔少得肥牛, 這裡嘅手切頂級安格斯肥牛擺設整齊, 油脂分佈均勻, 肉質嫩滑又有牛味, 不肥不膩, 喺熱湯淥十數秒已啱食用。肉丸拼盤有墨魚丸, 蝦丸, 梅菜豬肉丸, 牛丸和松露墨魚丸, 手打肉丸很彈牙, 以蝦丸最為鮮甜可口, 牛丸也很脆。水餃和雲吞也很有份量, 尤其蝦肉餡料又多又爽脆, 較一般火鍋店美味。新鮮蔬菜拼盤擺設有特色, 當然最重要係優質嘅食材,讓食客吃得暢快。