YKK建榮

營業中

休息中

屯門搵fd行街，本來冇諗過晚飯食邊間，但哩排天氣咁凍，朋友即刻拉我去打邊爐，始終係佢地頭比較熟屯門區。酸菜烤魚，哩個佢推介必食，我覺得都冇介紹錯，酸尾尾既味道好開胃，魚肉結實好新鮮，食完條魚，可以將其他材料倒埋落去煮熟，野食可以吸埋個酸菜汁，好好味。美國黑豚肉，雖然唔會好似牛咁佈滿雪花，但肉多脂肪少除左健康d，食落有嚼口啲，而且黑豚肉好腍。響鈴，火鍋必備之選。size都幾大，浸3秒食得。仲有其他配料，包括山根、韮菜餃、海膽丸、唐生菜、烏冬。趁冷風期間，大家都可以打下邊爐，聽講之後氣溫又上升返。