影片
更多
2022-09-04
71 瀏覽
【川菜早午餐+任飲香檳】星級米芝蓮餐廳推出Champagne Free Flow Brunch, 逢星期六日同公眾假期就可以試到啦。井巷子是川菜餐廳，本身食物質素已經好出色，今次再加上香檳任飲，真令人十分期待。今次就揀左G.H Mumm Grand Cordon NV淺嚐，但喜好杯中物既朋友就不能錯過出名既Dom Perigon Vintage 2012啦~先來2道頭盤，西班牙向日葵甘栗豚叉燒同井巷子片皮鴨。叉燒霖滑，食落唔會成口肥膏，而家仲有少少燶邊，正吖~而後者片皮鴨，亦都好出色，除左青瓜京葱外，再加上蜜瓜同奇異果，酸酸甜甜，令人胃口大開。仲有4道頭盤可以任君挑選，而且仲可以無限添加。夫妻肺片，牛舌、牛展、牛肚都好入味且爽口，辣度唔會好勁，但鐘意都係係底既萵苣，清新爽口，又麻麻辣辣。煙燻肥腸，用左蘋果木來煙燻，一來上勁吸晴，滿佈煙霧，一打開先係煙霧迷漫，跟住慢慢就見到脆卜卜既肥腸。肥腸肉質好厚，但皮好脆。脆皮茅台乳鴿，乳鴿炸到表面脆脆哋，以為無咩茅台味，點知食落有一陣陣既茅台酒味慢慢滲出~炸排骨，用左西班牙向日葵甘栗豚，肉質好霖，而家新鮮炸起，勁脆勁juicy ~之後當然就係主菜啦
星級米芝蓮餐廳推出Champagne Free Flow Brunch, 逢星期六日同公眾假期就可以試到啦。
井巷子是川菜餐廳，本身食物質素已經好出色，今次再加上香檳任飲，真令人十分期待。
今次就揀左G.H Mumm Grand Cordon NV淺嚐，但喜好杯中物既朋友就不能錯過出名既Dom Perigon Vintage 2012啦~
先來2道頭盤，西班牙向日葵甘栗豚叉燒同井巷子片皮鴨。叉燒霖滑，食落唔會成口肥膏，而家仲有少少燶邊，正吖~而後者片皮鴨，亦都好出色，除左青瓜京葱外，再加上蜜瓜同奇異果，酸酸甜甜，令人胃口大開。
仲有4道頭盤可以任君挑選，而且仲可以無限添加。夫妻肺片，牛舌、牛展、牛肚都好入味且爽口，辣度唔會好勁，但鐘意都係係底既萵苣，清新爽口，又麻麻辣辣。
煙燻肥腸，用左蘋果木來煙燻，一來上勁吸晴，滿佈煙霧，一打開先係煙霧迷漫，跟住慢慢就見到脆卜卜既肥腸。肥腸肉質好厚，但皮好脆。
脆皮茅台乳鴿，乳鴿炸到表面脆脆哋，以為無咩茅台味，點知食落有一陣陣既茅台酒味慢慢滲出~
炸排骨，用左西班牙向日葵甘栗豚，肉質好霖，而家新鮮炸起，勁脆勁juicy ~
之後當然就係主菜啦！重慶水煮本地鮮牛肉，牛肉好大片，用左本地鮮牛肉，肉味好濃，質地有咬口，而且辣度都幾平和，唔會熗喉。
腰果辣子鵪鶉脾，用左澳洲既鵪鶉脾，肉既份量比較多。炸到脆卜卜外皮包囊嫩嫩既鵪鶉肉，一口咬落去，汁水爆出來，令人上癮既一道菜。
最後來番個主食，剁椒花膠撈飯，睇落以為平平無奇，點知食落好出色，花膠霖得來有咬口，加上少少辣既剁椒，好惹味。
酸菜海參龍蝦肉手工麵，鮮甜既龍蝦肉加上酸菜湯底，酸爽鮮辣勁惹味，再加上爽口海參，手工麵條彈牙得來好掛湯。
甜品一定不能錯過哦~冰粉，解辣又清涼，甜度岩岩好！
張貼
