SHAKE SHACK (新城市廣場一期)

營業中

休息中

記起我今次係佢哋開業第5次幫襯。初開業第一，二次食過個包都係脆脆地，應該有焗過或煎過底和面，個包係甜包煎吓無咁膩無咁軟，漢堡內的餡料，如牛肉，味道比較適中，食時整體幾好食，唔會濕濕的，或太咸。當第三次去幫襯發現個包已經唔脆無煎過，食到個包連手都濕哂，整個漢堡包散哂，個肉又勁咸，講過話唔再幫襯。點知都係要比機會嘅。事隔很久去第四次和今次第五次食印象都係感覺比初開業太大落差，應該暫時會係最後一次幫襯。新產品芝士牛漢堡，不止勁咸，牛肉碎哂嘅，包又無煎咪軟冧冧爛哂囉。牛油果煙肉炸雞包，個炸粉勁咸，雞胸有醃嘅，煙肉仲有豬怪味，包無煎過連埋個醬令到個包濕哂散哂，個包甜嘅軟包，又唔煎就會感到膩和太軟而引至個包爛哂都好自然嘅事。一個牛芝漢堡，薯條，大可樂，一個牛油果煙肉炸雞漢堡，價值港幣193。真係唔值。個餐送雪糕。我哋係在門市用手機落單自取去公園食嘅。店舖無提供工具最後為有用飲管食雪糕，也無提供紙巾。