影片
更多
2020-12-28
332 瀏覽
❣️ Tapa Room (國際貿易中心) 🔍觀塘觀塘道348號國際貿易中心地下G02號舖-----呢間以霓虹光管為主題嘅西餐廳，B仔上月曾經光顧過佢地嘅銅鑼灣分店，一試難忘，正好聖誕假期諗唔到食咩好，今次就黎佢地嘅牛頭角分店食午餐。分店距離牛頭角地鐵站好近，約2-3分鐘路程(Google map會比條7分鐘嘅路線你😛大家唔好跟，唔識行可以問我）同銅鑼灣店一樣，深色嘅木檯木凳，配搭牆上大型「食鬼」霓虹燈裝飾，打卡位充裕，想影張呃like相毫無難度。🦑烤煎原隻八爪魚腿配西班牙青醬🦑 $208又長又粗嘅八爪魚腿，咬落外層酥酥脆脆，內層鮮嫩彈牙，實在令八爪魚愛好者無法抗拒。配搭八爪魚嘅係自家調製西班牙醬汁配沙律菜，整體雖然好食但唔會太飽肚，適合注重卡路里嘅朋友仔食，如果想要飽肚份量大嘅話推介試下西班牙黑毛豬鞍架配炸薯粒💕。🥔西班牙薯仔蛋餅🥔$78平平凡凡嘅外型底下，卻是令人一食愛上嘅味道。蛋餅蛋味香濃，一切落去，薯仔餡即刻緩緩流出，食咁多次蛋餅都係第一次食到流心質地嘅，非常出色，係暫時喺香港食過最好食嘅西班牙薯仔蛋餅。🦑薄切慢煮八爪魚🦑 $78爽口八爪魚非常鮮味，以酸酸甜甜嘅開胃橄欖油番茄醬作
🔍觀塘觀塘道348號國際貿易中心地下G02號舖
-----
呢間以霓虹光管為主題嘅西餐廳，B仔上月曾經光顧過佢地嘅銅鑼灣分店，一試難忘，正好聖誕假期諗唔到食咩好，今次就黎佢地嘅牛頭角分店食午餐。分店距離牛頭角地鐵站好近，約2-3分鐘路程(Google map會比條7分鐘嘅路線你😛大家唔好跟，唔識行可以問我）同銅鑼灣店一樣，深色嘅木檯木凳，配搭牆上大型「食鬼」霓虹燈裝飾，打卡位充裕，想影張呃like相毫無難度。
🦑烤煎原隻八爪魚腿配西班牙青醬🦑 $208
又長又粗嘅八爪魚腿，咬落外層酥酥脆脆，內層鮮嫩彈牙，實在令八爪魚愛好者無法抗拒。配搭八爪魚嘅係自家調製西班牙醬汁配沙律菜，整體雖然好食但唔會太飽肚，適合注重卡路里嘅朋友仔食，如果想要飽肚份量大嘅話推介試下西班牙黑毛豬鞍架配炸薯粒💕。
🥔西班牙薯仔蛋餅🥔$78
平平凡凡嘅外型底下，卻是令人一食愛上嘅味道。蛋餅蛋味香濃，一切落去，薯仔餡即刻緩緩流出，食咁多次蛋餅都係第一次食到流心質地嘅，非常出色，係暫時喺香港食過最好食嘅西班牙薯仔蛋餅。
🦑薄切慢煮八爪魚🦑 $78
爽口八爪魚非常鮮味，以酸酸甜甜嘅開胃橄欖油番茄醬作調味，正好為我喚醒味蕾，迎接接下來嘅美食。
🍋檸汁白酒煮蜆🍋 $98
脹卜卜嘅大蜆非常鮮甜，香檸白酒汁味道調得恰到好處，忍唔住飲咗幾啖，先開始食蜆，係出色嘅餐前海鮮頭盤，同我叫嘅西班牙🇪🇸啤酒味道非常合拍。
🍞西班牙玉桂多士配新鮮雜莓🍞 $58
貌似樹幹嘅造型配搭紅紅綠綠的食材裝飾，感覺好有聖誕氣氛🎄，外層沾滿香香甜甜嘅玉桂糖粒，內層則是軟綿綿又熱辣辣嘅麵包，入口味道不會過甜，加上少少🍓草莓同奶油，味道則更顯豐富。
👶🏻B仔整體評價：8.3/10個👍🏻
👶🏻B仔抵食程度：7.5/10個👍🏻
👶🏻B仔環境評分：8/10個👍🏻
👶🏻B仔味道評分：8.5/10個👍🏻
👶🏻B仔回頭機會：9/10個👍🏻
-----
#swallowhongkong
☺️快D跟住B仔一齊吞食香港啦！🤤
#swallowNgauTauKok
張貼
