影片
更多
2019-09-30
2473 瀏覽
位於比較新嘅觀塘活化工廈The Wave樓上，位置方便，餐廳面積好大夠寛敞，燈光充足唔喑，環境靜舒服，但咁啱嗰日撞唔正live band☹️餐廳都幾受歡迎七八點已經差唔多滿座所以記住bk位！⭐️溫馨提示：經openrice訂座晚市主餐牌88折(套餐除外).其實今次黎係最想試近期推出嘅酥皮海鮮佛跳牆，但點知唔夠7點半就已經售罄(可能因為星期日🤔)少失望。.💁🏻♀️🌮一入座侍應就會送上一份墨西哥脆片配卡夫卡芝士醬，香脆可口好食，不過無論幾多人食都係同一個份量變相多人食好似唔抵☹️如果要再添就要俾廿蚊份🤷🏻♀️.👓火焰脆燒德國咸豬手 $228火焰豬手係依度嘅招牌，豬手一到侍應就會進行火焰環節淋酒精點火，燒到大約20秒，然後會由侍應切好先再上碟。豬皮本身脆但比火燒完之後遇熱變得熱辣辣更脆卜卜，唔油膩，肉質正常唔太咸迎合香港人口味，但始終都會有少少邊位比較乾同硬。豬手都唔細隻可以供給3-4人享用。碟旁有一小碟酸椰菜，有芥茉醬可以點埋豬手食更惹味🤤評分：8/10👓千島海鮮薄餅 $148薄餅厚度適中🤧比較偏向薄脆底而唔係p字連鎖店果啲厚餅，質感似食緊餅乾。海鮮足料有大大隻鮮蝦蜆肉元貝等，正常嘅千島醬味。評
餐廳都幾受歡迎七八點已經差唔多滿座所以記住bk位！
⭐️溫馨提示：經openrice訂座晚市主餐牌88折(套餐除外)
.
其實今次黎係最想試近期推出嘅酥皮海鮮佛跳牆，但點知唔夠7點半就已經售罄(可能因為星期日🤔)少失望。
.
💁🏻♀️🌮一入座侍應就會送上一份墨西哥脆片配卡夫卡芝士醬，香脆可口好食，不過無論幾多人食都係同一個份量變相多人食好似唔抵☹️如果要再添就要俾廿蚊份🤷🏻♀️
.
火焰脆燒德國咸豬手
$228
41 瀏覽
0 讚好
0 留言
👓火焰脆燒德國咸豬手 $228
火焰豬手係依度嘅招牌，豬手一到侍應就會進行火焰環節淋酒精點火，燒到大約20秒，然後會由侍應切好先再上碟。
豬皮本身脆但比火燒完之後遇熱變得熱辣辣更脆卜卜，唔油膩，肉質正常唔太咸迎合香港人口味，但始終都會有少少邊位比較乾同硬。豬手都唔細隻可以供給3-4人享用。
碟旁有一小碟酸椰菜，有芥茉醬可以點埋豬手食更惹味🤤
評分：8/10
千島海鮮薄餅
$148
46 瀏覽
0 讚好
0 留言
👓千島海鮮薄餅 $148
薄餅厚度適中🤧比較偏向薄脆底而唔係p字連鎖店果啲厚餅，質感似食緊餅乾。海鮮足料有大大隻鮮蝦蜆肉元貝等，正常嘅千島醬味。
評分：6.5/10
卡邦尼扁意粉
$98
33 瀏覽
0 讚好
0 留言
👓卡邦尼扁意粉 $98
醬汁creamy唔稀加埋隻溫泉蛋夠晒濃，都唔算真係太多汁好漏(我比較重口味鍾意食濃野所以覺得可以再重味啲🤧)；配料都足有煙肉蘑菇粒瀋上芝士片，係正常嘅卡邦尼味🤣
但今次用扁意粉同平時食開幼條意粉唔同，變相味道口感配搭令個feel少少唔同咗😛
評分：7/10
西班牙海鮮飯
$228
44 瀏覽
0 讚好
0 留言
👓西班牙海鮮飯 $228
份量都多適合2-3人食，賣相非常靚散發着濃郁嘅海鮮香，金黃色嘅飯吸晒海鮮味，飯粒都分明唔濕笠黏口，口感剛好冇意大利飯咁煙韌，食到有少少飯焦但唔算好多嘅。
海鮮配料有鮮蝦、墨魚、蜆、魚柳，正正常常啦；另外飯底配料例牌都有三色椒粒同橄欖等。
⭐️其實味道真係唔差，不過我好唔滿意點解睇相見個個碟飯都靚一靚但唯獨我幫襯嗰完全唔同樣...
評分：7/10
西班牙橡果級黑毛豬
$228
22 瀏覽
1 讚好
0 留言
黑毛豬肉質軟有肉汁，正常🤧燒汁和菠蘿另有碟仔裝住可以自己調較味道；仲有舊黑松露薯蓉伴碟，好creamy滑身黑松露味都好重但又唔會多到太俗。
評分：6.5/10
⭐️見人評論焗田螺酥盒同威靈頓牛柳都係王牌必食🐷下次要試！
張貼
