影片
更多
2023-06-04
1438 瀏覽
慶祝週年紀念日，趁住AE 有Dinning Credit, 終於有籍口去試一試呢間收藏已久嘅餐廳！置地文華東方7樓一出lift見到SOMM餐廳，望唔到Amber, 原來個門口比較隱蔽我哋揀咗八道菜嘅Full Experience $2788另外先嗌咗杯推介既香檳 $398餐廳嘅燈光柔和，但未去到太暗，很好！去過好多Fine Dining餐廳D燈光暗到想瞓着。成間餐廳都係圓邊嘅設計，位置亦都寬闊，感覺好舒服蘑菇撻頭盤先尼個蘑菇撻，好濃郁嘅醬汁，再用腐皮做個皮。個人覺得一般黑松露奶凍只有薄薄一層松露鋪喺面，但係已經非常濃郁嘅黑松露味，略嫌有少少漏青瓜汁配魚魚既刀工切得用心，配上青瓜，成為一道好好嘅開胃菜，如果味道再Fresh D 會更好。Signature 魚子醬魚子醬既咸香配上好濃郁嘅龍蝦同海膽味，每一啖都非常滿足，覺得太漏嘅時候，可以搣塊紫菜蝦片配埋一齊食。會即時減卻左海膽濃郁嘅味道。所以我都係鍾意啖啖滿足嘅感覺。擺盤亦很精緻，將幾個圓碟搭埋一齊，首尾呼應。Sourdough 麵包配上意大利嘅橄欖油麵包太硬 唔識欣賞白蘆筍 風乾火腿粒很好味，口感豐富，鮮甜嘅蘆筍，好特別！唯獨係去絲嘅時
置地文華東方7樓
一出lift見到SOMM餐廳，望唔到Amber, 原來個門口比較隱蔽
我哋揀咗八道菜嘅Full Experience $2788
另外先嗌咗杯推介既香檳 $398
餐廳嘅燈光柔和，但未去到太暗，很好！去過好多Fine Dining餐廳D燈光暗到想瞓着。成間餐廳都係圓邊嘅設計，位置亦都寬闊，感覺好舒服
蘑菇撻
頭盤先尼個蘑菇撻，好濃郁嘅醬汁，再用腐皮做個皮。個人覺得一般
黑松露奶凍
只有薄薄一層松露鋪喺面，但係已經非常濃郁嘅黑松露味，略嫌有少少漏
青瓜汁配魚
魚既刀工切得用心，配上青瓜，成為一道好好嘅開胃菜，如果味道再Fresh D 會更好。
Signature 魚子醬
魚子醬既咸香配上好濃郁嘅龍蝦同海膽味，每一啖都非常滿足，覺得太漏嘅時候，可以搣塊紫菜蝦片配埋一齊食。會即時減卻左海膽濃郁嘅味道。所以我都係鍾意啖啖滿足嘅感覺。擺盤亦很精緻，將幾個圓碟搭埋一齊，首尾呼應。
Sourdough 麵包
配上意大利嘅橄欖油
麵包太硬 唔識欣賞
白蘆筍 風乾火腿粒
很好味，口感豐富，鮮甜嘅蘆筍，好特別！唯獨係去絲嘅時候去得唔夠乾淨，造成荀斷絲連
天使蝦雲吞
用了金色既頌缽尼裝，但係個湯好咸，雲吞皮薄，蝦肉厚實。每次筆雲吞嘅時候，個匙羹都會撞到個缽，繼而發出淨化心靈嘅響聲。
入廚房體驗
之後嘅一道菜係會有專人帶你入去廚房，有廚師會喺你面前擺盤，然後食埋先走。青豆汁，配上用荷葉去蒸嘅魚，肉質啱啱好，再加左塊有生蠔味既葉，冇錯，真係有生蠔味！
個廚房好乾淨，又大，第一次去餐廳嘅廚房食野，確實係好好嘅體驗。而且亦都證明呢間餐廳好有信心先會夠膽比客人去參觀佢哋嘅廚房。
主菜
有2款，羊肚菌好味，羊既生熟程度亦都啱啱好，羊肉中釀羊肚菌。蘆筍切得好有心思。唯獨係有好少許嘅筋。
第二款主菜係A5和牛 另加$500
入口即溶嘅感覺，配左肥美嘅蘑菇，一齊食，令個肉冇咁油膩。旁邊加咗黑蒜醬，太重口味，唔加重滋味。
之後上咗個開心果雪葩，幾好味，旁邊有青蘋果醬等等嘅伴碟，唔食酸嘢嘅，我表示好酸！但係啱啱好可以清一清油膩。
然後上第二個甜品，紅桑莓加70% Chocolate ，個人表示比起上一道甜品更加酸，食唔到，比曬我太太，留返個朱古力。
訂咗嘅時候，有講過係慶祝紀念日，餐廳送咗一個中空蛋糕，外貌幾靚，有啲閃粉。外層係酸，內層係朱古力。幾好味，餐廳亦算大方唔係送一件蛋糕係一個，當晚幾乎九成嘅枱都係為慶祝，都係有個蛋糕。職員亦貼心問會想E家食定成個打包返屋企。
係一齊以為完結嘅時候，先知原來係有餐茶，叫咗杯earl gray, 茶味濃郁，茶葉亦都落咗唔少。另外我要一杯凍嘅，職員都好好，話本身只有熱，但話可以做俾我。🥰
另外亦推咗架車出嚟，喺我面前沖咗杯Cocktail，係自家制柚子酒，用梅酒方法去浸。唔會太甜，酒味濃郁。
咖啡味嘅馬德蓮蛋糕，面頭加少少芝麻，暫時係我食過最好味嘅馬德蓮蛋糕，外脆內軟，好鬆化
驚訝嘅係竟然有生果盤，就好甜嘅菠蘿同埋牛奶果。好少見西餐廳最後會上生果盤，以健康去完結呢一餐。
整體來說，兩星級米芝蓮，高度評價，暫時係我首選嘅tasting menu餐廳，Staff 既服務同環境都唔錯，最欣賞佢嘅上菜速度，好多fine dining 餐廳等下一道菜都等到瞓着。但係Amber, 我每食完一道菜等一陣就已經可以上下一道。整個menu 唔會太濟，對於2位女士啱啱好。男士就可能唔夠。係離開餐廳既時候亦都送咗兩盒佢哋自家製嘅朱古力。
除左以上既食物亦加多左一杯紅酒同一杯白酒，合共埋單$8300，食左4個鐘
張貼
