影片
更多
2016-04-10
1344 瀏覽
呢日黎到佐敦搵食，見呢間家庭式小店咁多好評就一於決定食佢啦！12點零鐘黎到，未有人排隊但店入面已經坐滿8成。自己搵個位坐低後就叫嘢食，店員好忙碌，叫幾次都點唔到菜。最後叫左北京餡餅、豬扒麵、酸辣湯雲吞麵同凍豆漿。北京餡餅($12)新鮮即製嘅北京餡餅熱辣辣，好吸引。可以見到開放式廚房入面，廚師密密煎緊北京餡餅同蔥油餅。本來猶疑食蔥油餅好定北京餡餅好，但見到對面枱個餡餅啲餡咁豐富就揀左佢。一如所料餡餅嘅餡料好多，入面係韮菜豬肉餡，餅皮亦煎得金黃香脆。由於餡餅已事先切開兩份，上枱時已見到碟上有唔少肉汁。雖然已經有一部分肉汁流走左，但餡料唔會乾爭爭，依然濕潤。韮菜豬肉餡好香，調味剛剛好，亦可加少量辣椒醬，食得更過癮。由於成個餡餅比較厚(足料)，食嘅時候會論盡小小，小心滴汁呀！酸辣湯雲吞麵($35)一上枱就見到色彩豐富，證明配料出手大方。麵底揀左粗麵，份量亦唔少。先試一啖湯底，略嫌層次單一，只有酸味，唔多夠辣。雲吞共有4粒，粒粒都大大粒，餡料係豬肉同菜。整體黎講都唔錯，食落皮唔過厚但應該唔係手磋，餡料亦豐富但味道偏淡。豬扒麵($35)豬扒上枱時剛剛炸起，齋睇已經知道佢夠晒酥脆。細心啲睇發現佢同一
自己搵個位坐低後就叫嘢食，店員好忙碌，叫幾次都點唔到菜。最後叫左北京餡餅、豬扒麵、酸辣湯雲吞麵同凍豆漿。
北京餡餅
$12
79 瀏覽
0 讚好
0 留言
新鮮即製嘅北京餡餅熱辣辣，好吸引。可以見到開放式廚房入面，廚師密密煎緊北京餡餅同蔥油餅。本來猶疑食蔥油餅好定北京餡餅好，但見到對面枱個餡餅啲餡咁豐富就揀左佢。一如所料餡餅嘅餡料好多，入面係韮菜豬肉餡，餅皮亦煎得金黃香脆。由於餡餅已事先切開兩份，上枱時已見到碟上有唔少肉汁。雖然已經有一部分肉汁流走左，但餡料唔會乾爭爭，依然濕潤。韮菜豬肉餡好香，調味剛剛好，亦可加少量辣椒醬，食得更過癮。由於成個餡餅比較厚(足料)，食嘅時候會論盡小小，小心滴汁呀！
酸辣雲吞麵
$35
77 瀏覽
0 讚好
0 留言
一上枱就見到色彩豐富，證明配料出手大方。麵底揀左粗麵，份量亦唔少。先試一啖湯底，略嫌層次單一，只有酸味，唔多夠辣。雲吞共有4粒，粒粒都大大粒，餡料係豬肉同菜。整體黎講都唔錯，食落皮唔過厚但應該唔係手磋，餡料亦豐富但味道偏淡。
豬扒麵嘅豬扒
$35
67 瀏覽
0 讚好
0 留言
豬扒上枱時剛剛炸起，齋睇已經知道佢夠晒酥脆。細心啲睇發現佢同一般上海豬扒麵嘅炸豬扒唔同，唔同在於佢嘅炸粉。平時食開嘅多數用麵粉加蛋做炸粉，呢度用嘅比較似麵包糠，亦都偏向似日式炸豬扒。個人就比較鍾意呢度嘅炸豬扒，貪佢夠晒卜卜脆。雖然炸得酥脆，入面嘅豬扒亦唔會乾，食落亦冇油味或感覺油膩。
凍豆漿($7)就一般水準，豆味較少同比較甜; 雖然係叫凍豆漿，實際杯豆漿係微暖的。
呢日天氣開始熱，鋪頭冷氣又唔係好夠，而且位置比較窄，同後面嘅食客幾乎背貼背，食酸辣雲吞麵果陣都汗流浹背，唯一美中不足就係差一杯冰凍豆漿作消暑恩物啦
張貼
