梅光軒 (登龍街) (已結業)

其實都幾個月前食，不過實在好唔錯，所以寫返個食評讚下。有一晚睇完戲好晏，冇咩選擇，就黎左登龍街睇下仲有冇野食，咁啱見到呢間仲比入，就試下啦。我係好鍾意食辣同味噌湯拉麵嘅人，所以揀左佢辣嗰款配味噌湯。呢款款嘅叉燒唔係一塊塊，而係切到一舊舊，望落以為會好鞋，但食落又好鬆化，另外個湯底好好，味噌濃得黎有少少辣，好夾，同埋係我最鍾意嘅曲身麵條，好正👍🏼另一樣我覺得好好嘅係，佢本身都算多配料，我最唔鍾意嗰啲成碗乜料都冇要另外加好多錢先有配料嘅拉麵，仲要本身個價錢已經唔平。呢碗麵無論湯，配料，麵都好啱我口味，食完冇口渴，暫時覺得係香港最好👍🏼