影片
更多
2019-03-18
2017 瀏覽
服務質素真心一流，講到湯底、食物味道、食物種類、生猛游水海鮮的話，九龍城燚火鍋好食千倍萬倍，價錢平靚正。而且何解有部份職員不懂廣東話？拒絕赤化，雖知如何都改變不到，但依度係仍是香港！打多次電話都長響接不通，最後終於有接通，後生仔回覆訂檯名額已滿，只能夠 walk-in 啊，無緊要，照去等位。六點收工衝到海底撈剛好六點半，人山人海，被州民重重包圍，已經有好多食客在等位喇。誰知要齊人先比入座，無奈地美女先到達要等我一下。與美女齊齊步入大廳，不懂廣東話的侍應妹妹稱限食兩小時就要交檯，有 120 分鐘時間已非常足夠。唔該搵個識廣東話既識員過黎招乎，依度仲係香港！離晒譜太過份，赤化滅粵無止境。幸運地剛剛開放 3 樓雅座，四眼哥哥答應可以坐到窗邊卡位，感激萬分 ﹗侍應姐姐妹妹主動夾此小食比我地，招呼超到加，拍手大讚，熱情主動有禮細心周到，食得開心舒服，還幫手登記做會員，銷費可以累積分數喎。打打下邊爐突然有位阿姐全套白色制服走過來跳繩，認真趣緻。真的是拉麵嗎？寬條麵？眼測似百葉喎。青島啤酒，沒有日本啤，唯有飲國際品牌。朋友仔什麼都食，完全無揀飲擇食，非常有衣食，好好好喎。那我可以隨便點菜，唔洗擔心喇
六點收工衝到海底撈剛好六點半，人山人海，被州民重重包圍，已經有好多食客在等位喇。誰知要齊人先比入座，無奈地美女先到達要等我一下。與美女齊齊步入大廳，不懂廣東話的侍應妹妹稱限食兩小時就要交檯，有 120 分鐘時間已非常足夠。唔該搵個識廣東話既識員過黎招乎，依度仲係香港！離晒譜太過份，赤化滅粵無止境。
幸運地剛剛開放 3 樓雅座，四眼哥哥答應可以坐到窗邊卡位，感激萬分 ﹗侍應姐姐妹妹主動夾此小食比我地，招呼超到加，拍手大讚，熱情主動有禮細心周到，食得開心舒服，還幫手登記做會員，銷費可以累積分數喎。打打下邊爐突然有位阿姐全套白色制服走過來跳繩，認真趣緻。真的是拉麵嗎？寬條麵？眼測似百葉喎。
青島啤酒，沒有日本啤，唯有飲國際品牌。朋友仔什麼都食，完全無揀飲擇食，非常有衣食，好好好喎。那我可以隨便點菜，唔洗擔心喇。烚花生，濕得來脆卜卜，略咸可接受，不愛乾花生的我，極愛烚花生。涼拌海帶，爽爽的爽爽的咸咸的不辣的。百葉，原來百葉係豆腐來的，無咩味道，海草充滿麻油香爽脆，一齊食較可口。任食前菜、小食及甜品，讓您吃過夠！不過吸引不到我。
雷式混醬，走到自助調味區提取，我只需要大量指天椒、生蒜、炸蒜、少少蔥夠喇，最愛的簡單混醬。雷式混醬改，基本只需要蔥花、炸蒜、生蒜及指天椒，居然不慎睇錯花生碎係炸蒜撈埋一齊！既然已經錯，就繼續錯落去啦！再添芝麻同辣椒粉，撞出意外的味道，超絕正呢！要另收醬油費，照收無所謂。我最憎行出行入，要親自走到調味料區取，所以自助餐要食自己同樣討厭！辣辣麻辣湯、滑嘟嘟豬腦、軟綿綿和牛、彈彈手切牛，心滿意足滾動暢快！點解無雞子雞肝雞腸既？
湯底款色不多而份屬大路系，可以揀一款湯底、鴛鴦或四格都可以。番茄湯，番茄湯底加入大量鮮茄誠意滿分，烚到半溶滾熱辣放入口咀嚼，熱到飈眼水！不過非常甜美多汁呢。湯底雖有點微弱茄膏味，但已被霸道鮮茄味所牽制。鮮茄湯，堅有鮮茄味道，好好飲。
麻辣湯香料味豐富不馬虎，足秤無欺場，先香後辣再甜最後麻，辣辣麻麻過足癮。真材實料惹味十足，香料味豐富，夠油夠香夠辣，越食越想食，越辣越開心，醒腦醒神，全身興合合，額頭汗珠一串串，感覺良好。
椰子雞湯好鬼流，淡如水、水汪汪，只有微弱的椰子味，稍後倒晒份雞落湯希望有起色啦！正常高質火鍋理應濃濃雞湯底的，早就餚好。雞件半隻，有少少鮮雞甜味，半肥瘦沒有肥膏，皮光肉滑身材不錯，達標的嫩嫩多汁，食得過。牛肉湯，蘿蔔牛精味。大骨湯，送舊大桶骨仲有骨髓啜添呀，正正正。
內蒙古羊肉卷，很嫩的質地，彈彈的而細緻幼滑，微羶冶味更增食慾。加拿大安格斯肉眼、西班牙梅豚肉，牛豬不分，一樣的味道，一樣的質地，失望不喜歡。雪藏切片，味道陰沉，鞋烚烚硬柴柴，不想浪費，求其消滅掉算了。手切牛肉，牛肉味比和牛強得多，質地比和牛有咬口得多，肉味可口搭上麻辣、鮮茄或清湯都滿意十分。
日本和牛，特別地跟胡麻醬送上？日式砂煲砂煲？先試原味，牛脂豐富而分佈平均，美觀靚仔，拖兩拖鮮嫩粉好色品嚐，軟滑乳香非凡，牛味薄弱，整體偏淡，浸浸指天椒蒜蓉豉油味道唔多夾喎，怪怪的。最後掉到胡麻醬打滾一下，果然好味多了，酸酸甜甜泛著芝麻香，帶出牛肉甜美味道，果然有原因，蠻不錯的配搭。
美國牛小排半份，無牛頸脊？無新鮮本地牛？失望到谷底。雪藏貨入晒雪送到，黐到實格硬扯開爛晒咯，給她們冷靜等一下吧。拖拖熱湯鞋鞋瘦瘦不肥美，沒有甘甜牛脂，沒有嫩牛鮮味，過下口癮算了。
撈派千層毛肚，真的是無肚？造型設計別具風格，跟黑柏葉太似樣。烚一烚入口現真身，沒半點爽彈質感，毛毛嚥韌吸收大量麻辣，水潤夠麻又夠辣，還散發內臟甘甜，蠻不錯的成績。無刺巴沙魚片半份，沙巴魚片？無刺？想表達無骨斑片嗎？清淡魚味沒有特別，質地似龍脷，連味道都一樣有點青。
鴨舌，原汁原味鮮鴨甜，肉味香甜濃厚，肥美飽滿彈滑脆嫩，一咬爆汁！讓舌頭做做運動，打返幾個茄輪，左捲右轉，有趣開心。滷肥腸，出乎意料跟麻辣湯夾到天衣無縫，滷水味麻辣味打得火熱，肥腸充滿脂肪但不肥膩，可口美味。脫骨鴨掌，有趣有趣，成隻腳掌食真係好舒暢。爽爽掌皮夾雜脆卜卜的軟骨，索湯力強勁，將湯汁儲存在掌內，如灌湯一樣，食得過癮好味道。
豬腦，唔知烚幾耐先夠熟，段估無辛苦。十分鐘過去，照食可也。質地豆腐一樣，不像豆腐花，應該烚得耐左，不過安全起見熟一點吧。甜甜的微滑彈彈沒半點羶味亦沒半點腥味，好食好食。記得某間火鍋店將已烚熟的豬腦送上，覺得非常奇怪，一早已烚到過晒火，鞋烚烚乾爭爭轉到我手再翻烚，那會好食呀？可能烚熟可以延長儲存時間啦。
珊瑚蚌，刀功利害，切得薄薄扁平大大塊，雖知道係海參條腸，但不乏海鮮鮮味爽爽的，餘韻甜甜可口的。海鮮組合，美女原想食蝦，我發現有海鮮併盤，不如食多幾款更好。生蠔 2 隻，連殼生蠔非冰鮮貨可比，生蠔喜出望外，雖然烚後縮到蠔豉細細粒，但極度飽滿肥美富光澤，鮮味突出充滿蠔汁，滑嘟嘟極具彈性，甘甜無比，一咬爆汁好好食，使我有添食的衝動啊。
九孔鮑 2 隻，無味乾硬不彈既？味道死實的雪藏貨。白潺潺的顏色表明不是新鮮貨，雪藏貨味道顯注，微彈唔難食，不吃也罷。桂花蚌，長長完整的蚌肉，雖知真身為海蔘內臟。涮一涮即刻品嚐，散發離譜的鮮味，甜到升天不得了！爽脆彈滑非常，難得的讚好。扇貝，雪藏貨新鮮度強差人意，細細粒肉腥味濃烈，質地乾鞋，想用麻辣湯能掩飾下？
海蝦 6 隻，插住竹簽依然腳踢踢，有如萬馬奔騰！趁著紮紮跳，立即處置，一次過掉落滾湯游游水，半響已登極樂即撈起品嚐。灼好熱辣辣上碟，侍應妹妹見狀即時九秒九殺到，等我來！埋頭苦幹地替我們褪殼，招乎果真周到，剝殼技巧更出神入化，筷子一壓，蝦殼即時飛脫。原隻蝦爽爽的滑淜的甜甜的，大愛無投訴。但我隻蝦頭呢？還給我啜啜才掉好嗎？
魷魚鬚，要緊緊盯著，免得烚過火，夠鐘起菜！脆脆的嚥韌的，魷味非凡，意料之外 Good 喎。剝皮魚，使我想起方魚，不過結實得來較滑較多肉汁，微甜有點腥，麻麻地。撈派鵝腸，拖一拖，縮一縮，幾秒搞定出貨。爽脆索索聲，滲出鵝汁，鮮甜可口食不停。不要烚太耐啊，灼一灼就好，過熟變橡筋喇。
鴨血，豬紅、鴨紅、鵝紅配麻辣湯味道最夾。狠狠地一次過倒進麻辣湯慢慢浸，起初硬實的血塊滾她五分鐘，讓鴨紅有足夠時間吸收熱力、吸收湯汁，讓麻辣汁滲入其中，變得惹味濕潤晶瑩剔透，變得極嫩極滑更美味啊！經過麻辣湯的洗禮，麻香辣味齊發，滾熱辣地享受著。非凡出眾的嫩滑，彈得出奇的質地，一咬爆汁水潤甘甜，散發麻辣的惹味刺激，拍案叫好連環食！麻辣鴨血滾辣粉芝麻花生碎，首次獨特的食法，濕濕滑滑帶點脆卜卜加芝麻辣粉香，有趣特別！辣度跟咸度都加倍，有少少過咸，但加倍好味道喎！
撈麵，原來係 iPad 按完 order 後要再叫服務員起菜先有得食架。師傅仔迅速前來拉麵，還以為會跳繩添，只係摺埋拉拉再摺埋拉拉，失望啊！一條撈麵只有一小碗一人份量，好采我叫左兩條。質地似足刀削麵似粿條，表面滑嘟嘟，食落嚥韌有趙口，超強吸辣，超強索油，麻辣加倍，勁辣好 high 啊，滴晒汗好鬼正！
鮮魷魚桶，何解劏左既？當要整條烚原汁原味先最好食麻。好采新鮮度爆燈，爽彈滑嫩，陣陣海水跟魷魚甜味，好味道。鮮蝦滑，侍應姐姐衝過來幫忙下鍋，麻煩晒啊。質素一般，彈滑感強差人意，味道及質感都削削地。翡翠蝦滑，滑潺潺重馬蹄粉喎。蝦味有的，不過綠色是什麼，菠菜？沒味道只顏色，正常蝦滑更好食。
花蓮魚頭，掛住食唔記影相喇。夠大隻有肉食，魚雲魚三角啖啖嫩肉魚味鮮甜，有添食衝動呢。金菇，爽爽超吸油，辣度濃縮再提升，趙落麻辣強菇甜弱，辣到飈汗極興奮。皇帝菜，天生索汁索油高手，將辣度濃縮再倍增，爽脆鮮嫩，菜甜味中帶出地獄辣，額頭冒汗吃不消，但感覺超爽呀！掉進清湯不落麻辣湯，爽甜鮮嫩無得彈。
粟米好多汁，甜甜的爽爽的。娃娃菜甜得出奇，完全係天然菜甜味，爽嫩無比。蓮藕片脆脆咬到索索聲，散發清甜味道。烏冬，沒有入雪硬掘掘，軟腍腍黏黏的送上，應該浸過熱水再放涼，掃落鍋兜兩下已經食得。吸盡辣湯，香甜辣麻發揮得淋漓盡致！滑滑的帶著辣湯倒進口中，好好食呀！只不過飲兩碗麻辣湯啫，副作用出現，可能麻辣菜勁索油關係。
烚花生、涼拌海帶
89 瀏覽
0 讚好
0 留言
百葉
244 瀏覽
0 讚好
0 留言
雷式混醬改
77 瀏覽
0 讚好
0 留言
番茄湯併清油無渣麻辣湯
55 瀏覽
0 讚好
0 留言
椰子雞湯
123 瀏覽
0 讚好
0 留言
牛肉湯、大骨湯
65 瀏覽
0 讚好
0 留言
雞件半隻
68 瀏覽
0 讚好
0 留言
內蒙古羊肉卷
53 瀏覽
0 讚好
0 留言
加拿大安格斯肉眼、西班牙梅豚肉
53 瀏覽
0 讚好
0 留言
手切牛肉
73 瀏覽
0 讚好
0 留言
日本和牛
59 瀏覽
0 讚好
0 留言
美國牛小排半份
74 瀏覽
0 讚好
0 留言
撈派千層毛肚
163 瀏覽
0 讚好
0 留言
無刺巴沙魚片半份
53 瀏覽
0 讚好
0 留言
滷肥腸、鴨舌
71 瀏覽
0 讚好
0 留言
脫骨鴨掌
167 瀏覽
0 讚好
0 留言
豬腦
106 瀏覽
0 讚好
0 留言
珊瑚蚌
65 瀏覽
0 讚好
0 留言
桂花蚌、海蝦、生蠔
64 瀏覽
0 讚好
0 留言
扇貝
33 瀏覽
0 讚好
0 留言
魷魚鬚
105 瀏覽
0 讚好
0 留言
剝皮魚
55 瀏覽
0 讚好
0 留言
鴨血
262 瀏覽
0 讚好
0 留言
九孔鮑
50 瀏覽
0 讚好
0 留言
撈派鵝腸
35 瀏覽
0 讚好
0 留言
撈麵
38 瀏覽
0 讚好
0 留言
鮮魷魚桶
35 瀏覽
0 讚好
0 留言
翡翠蝦滑
45 瀏覽
0 讚好
0 留言
扇貝
32 瀏覽
0 讚好
0 留言
烏冬
46 瀏覽
0 讚好
0 留言
張貼
