秘 (享成街)

營業中

休息中

係餐廳出面等候嘅時候，其實已經見到2隻死曱甴，但嗰時候以為係條街污糟，所以就繼續等。入去嘅時候嗰條走廊有一隻死曱甴，坐到埋位，我哋兩個人坐喺廁所隔離，成間舖頭都好油，所以我冇挨埋牆。食物係正常嘅，但係食食吓有曱甴喺正我隔離嘅牆爬，嚇到彈咗起身，職員過嚟打死咗曱甴，之後唔知係咪心虛，竟然喺人食緊嘢嘅情況下度抹燈罩做清潔。我自然唔想坐返埋位，就話要調位，但職員全程冇幫過手，仲嘖一聲，我哋自己過咗隔籬枱之後，見到對面枱地下又有曱甴喺度跑。坐左冇耐，我哋枱嘅男人望住我身後地下好耐，我意識到應該係有曱甴，所以又企起身，果然另一隻曱甴又跑過。已經食唔落去，嗱嗱臨起身埋單，同收銀職員反映你呢度好多曱甴可唔可以搞好啲清潔，但完全被無視，少少歉意都冇。其實我係可以報食環，只係聽聞其他分店係正常都無謂搞咁大，但係荃灣店真係唔好去。