影片
更多
2022-07-13
1205 瀏覽
聽聞呢間係雲川2.0，同埋班底都係雲川另起爐做。好細一間店，入面都係幾張枱左右，主要做外賣為主，住附近只要消費滿$100就有送貨。應該係人手問題，堂食都係用外賣碗同餐具，確實令賣相冇咁吸引同埋唔太環保。但最主要個環境問題，地方逼細唔係問題，但全程一路食都好多烏蠅，有成4-5隻，飛黎飛去真係幾騷擾，老闆要正視下呢個問題，睇下裝返D電蚊機定天然野去驅除下，唔係都幾趕客。小麻酸辣薯粉 $52★★★★☆我諗呢到同雲川最大分別就係個湯底多左麻酸辣，將原本麻辣同酸辣混合左。食落個湯底好濃厚，個味道絕對同雲川有分別，濃郁好多，蔥同碎肉都多，食落酸同麻兩者都唔會特別出，仲帶有一陣特別香料味道。餸分別叫左雞腎、豬頸肉，兩者份量多，但雞腎唔推薦，比較硬唔入味。豬頸肉幾欣賞，個人覺得比起雲川整得更好，食得出更有心機整，豬頸肉更厚肉，肥瘦岩岩好，冇咁乾身，個蜜糖味更重炭燒味更出，整體更惹味。酸辣BB辣米線$59★★★☆☆酸辣米線，米線軟淋程度OK，但唔算太滑身，湯底有係多左種香味比起普通酸辣，食起黎幾特別，個酸味會比起麻酸辣更出。餸料叫左豬耳、蘿蔔，豬耳夠味正正常常，蘿蔔太大舊唔太方便食，而且唔算太清甜，有幾
聽聞呢間係雲川2.0，同埋班底都係雲川另起爐做。好細一間店，入面都係幾張枱左右，主要做外賣為主，住附近只要消費滿$100就有送貨。應該係人手問題，堂食都係用外賣碗同餐具，確實令賣相冇咁吸引同埋唔太環保。但最主要個環境問題，地方逼細唔係問題，但全程一路食都好多烏蠅，有成4-5隻，飛黎飛去真係幾騷擾，老闆要正視下呢個問題，睇下裝返D電蚊機定天然野去驅除下，唔係都幾趕客。
麻酸辣薯粉
54 瀏覽
0 讚好
0 留言
★★★★☆
我諗呢到同雲川最大分別就係個湯底多左麻酸辣，將原本麻辣同酸辣混合左。食落個湯底好濃厚，個味道絕對同雲川有分別，濃郁好多，蔥同碎肉都多，食落酸同麻兩者都唔會特別出，仲帶有一陣特別香料味道。餸分別叫左雞腎、豬頸肉，兩者份量多，但雞腎唔推薦，比較硬唔入味。豬頸肉幾欣賞，個人覺得比起雲川整得更好，食得出更有心機整，豬頸肉更厚肉，肥瘦岩岩好，冇咁乾身，個蜜糖味更重炭燒味更出，整體更惹味。
酸辣BB辣米線$59★★★☆☆
酸辣米線，米線軟淋程度OK，但唔算太滑身，湯底有係多左種香味比起普通酸辣，食起黎幾特別，個酸味會比起麻酸辣更出。餸料叫左豬耳、蘿蔔，豬耳夠味正正常常，蘿蔔太大舊唔太方便食，而且唔算太清甜，有幾舊仲太老有渣。
炸豬大腸 $31★★★★☆
炸大腸即叫即炸，清得乾淨，但大腸入面仲留有少少脂肪，外面炸到香脆得黎，入面仲有Ｄ脂肪，食落有油香之餘，好有咬口。推薦大家食！
🌟總括：湯底係有心機之作，比起一般更加之濃郁，餸料方面豬頸肉無敵，小食都好推薦炸豬大腸，性格比極高。食完絕對唔會失望，但希望可以改善下烏蠅呢個問題。
張貼
