影片
更多
2012-04-12
12 瀏覽
之前已領教過旺角添好運的墟冚情況,是日去開中環,知道佢位於機鐵站入面,以為唔太多人知(深水埗店同旺角店出晒名),應該少d人掛~點知...等左近一個鐘先有位!!香港人排隊不在話下,可能因為係機鐵站,好多遊客,不論內地,韓國,日本,外國人都拖住喼慕名而來,我真係算錯左了~呢度同其他店一樣,都係好迫,都係要同其他人搭枱,仲要共用一壺茶~因為價錢平易近人,我地兩個人共點左7碟點心(其實食晒都未算好飽)我幾鍾意食釀尖椒,上次冇食到,今次試下,佢火候夠,辣辣地,加埋豉油,好香口~去得當然再食酥皮叉燒包,近期最愛點心~感覺上冇第一次係旺角食咁好味,而且總係覺得富聲好味d~燒賣皮薄餡靚,豬肉,蝦,冬菇用料足~估唔到鮮蝦腐皮卷幾有驚喜,皮好脆好薄,餡料亦足,點埋喼汁,熱辣辣好好味~每件蝦餃都頗的骰,一口一個剛剛好~皮做得薄而滑,蝦非常鮮味爽口~我發現呢間店既蒸點類水準有返咁上下,值得一試~排骨斬得唔好,夾起就一抽咁,不過d肉好滑好腍~叉燒腸好似冇總店咁好味,亦唔夠熱~
呢度同其他店一樣,都係好迫,都係要同其他人搭枱,仲要共用一壺茶~因為價錢平易近人,我地兩個人共點左7碟點心(其實食晒都未算好飽)
我幾鍾意食釀尖椒,上次冇食到,今次試下,佢火候夠,辣辣地,加埋豉油,好香口~
去得當然再食酥皮叉燒包,近期最愛點心~感覺上冇第一次係旺角食咁好味,而且總係覺得富聲好味d~
燒賣皮薄餡靚,豬肉,蝦,冬菇用料足~
估唔到鮮蝦腐皮卷幾有驚喜,皮好脆好薄,餡料亦足,點埋喼汁,熱辣辣好好味~
每件蝦餃都頗的骰,一口一個剛剛好~皮做得薄而滑,蝦非常鮮味爽口~我發現呢間店既蒸點類水準有返咁上下,值得一試~
排骨斬得唔好,夾起就一抽咁,不過d肉好滑好腍~
叉燒腸好似冇總店咁好味,亦唔夠熱~
張貼
