德興酒家 (已結業)

昨天行完書展好肚餓，經過德興有任食火鍋，9pm後只係$65，加埋茶介、加一等等都係每位$95，抵！唔洗等位，即刻上樓。叫左沙爹鴛鴦湯底，沙爹個邊得一半重好「杰」。火鍋料叫左四寶丸、蝦丸、黑椒牛丸、魚皮餃、蕃茄、蘿蔔、生根、肥牛肉、羊片、脆鲩魚片、牛柏葉、豆pork、油麥菜、墨魚滑、牛柏葉等等。竹蔗水同酸梅湯又係任飲，不過好淡。食物一般，不過都新鮮，而且咁既價錢都可以接受。服務一般，侍應好似好忙，無點主動加水，D湯煲到有燶味都要叫先加。好多部長，差唔多一對一，成日見到D部長叫D侍應做野。