曼谷泰菜 (已結業)

見到「觥籌交錯的一夜」一文, 立即跑去試試. 因為人數少關係只係叫左兩味, 就係「魷魚薄餅」及「棷芯炒蝦球」. 先講「魷魚薄餅」, 真係唔錯值得一試, 塊塊咬落都脆卜卜, 而且唔油膩. 仲有魷魚香, 真係冇介紹錯.至於「棷芯炒蝦球」, 本人第一次食棷芯, 唔識分好壞, 但係d 配菜就認真唔得, 條條菜都好鬼老.印象分大減.講開印象分都希望曼谷泰菜的老闆注意一下, 客人一來即到那碟炸蝦片, 真係可以用不能接受來形容. 塊塊蝦片都鬼死咁有嚼勁, 而且「煙un」無比. 你唔收$我就話不敢要求姐, 但係收得$就真係炸番脆佢好wor.