影片
更多
2020-12-09
2661 瀏覽
早前同男友去左呢間泰國流水蝦燒烤放題，有正宗曼谷流水蝦、海鮮、燒蠔、5款頂級牛肉，全部任食2小時，成人每位 $298-388，每人仲送A5宮崎和牛一客。環境舒適，裝潢有泰國風情，店員服務親切有禮，講解夾蝦、燒蝦過程，而且會介紹食物，送食物及收碟也很勤快，好乾淨衛生。流水蝦真係好生猛，游來游去，要夾到新鮮生蝦，真係要眼明手快，夾起生蝦放入冰筒，令蝦急凍唔會彈出來，等左一陣d蝦唔郁，就可以剪去蝦腳同鉗位，之後燒熟就食得。我們都燒左好多round，玩得盡興。有好多超大隻蝦，蝦肉十分爽口彈牙，而且蝦味濃郁，唔使調味都已經好味，好新鮮，夾蝦的過程亦很好玩，真係好玩好食好滿足。A5宮崎和牛係每人一客，特別油潤有牛脂香，牛味也較重。5款頂級牛肉係任食，脂肪分佈平均，肉質嫩腍，其中厚切牛粒，更是多肉汁。另外，仲有多款海鮮可以任燒，有燒蠔、帶子、青口、蜆、螺。燒蠔真係超好食，蠔肉脹卜卜，肉質幼嫩蠔汁鮮甜。帶子都幾大隻，好快燒熟，口感嫩滑充滿彈性。蜆肉有海水味，非常爽口且無沙。仲有其他配料及食物可以燒烤，個人推介多款口味的雞翼，泰式香料雞翼好入味，有泰國香料的獨特香味，咖哩雞翼好惹味，仲有大大隻連骨豬仔脾
早前同男友去左呢間泰國流水蝦燒烤放題，有正宗曼谷流水蝦、海鮮、燒蠔、5款頂級牛肉，全部任食2小時，成人每位 $298-388，每人仲送A5宮崎和牛一客。環境舒適，裝潢有泰國風情，店員服務親切有禮，講解夾蝦、燒蝦過程，而且會介紹食物，送食物及收碟也很勤快，好乾淨衛生。
流水蝦真係好生猛，游來游去，要夾到新鮮生蝦，真係要眼明手快，夾起生蝦放入冰筒，令蝦急凍唔會彈出來，等左一陣d蝦唔郁，就可以剪去蝦腳同鉗位，之後燒熟就食得。我們都燒左好多round，玩得盡興。
有好多超大隻蝦，蝦肉十分爽口彈牙，而且蝦味濃郁，唔使調味都已經好味，好新鮮，夾蝦的過程亦很好玩，真係好玩好食好滿足。
A5宮崎和牛係每人一客，特別油潤有牛脂香，牛味也較重。5款頂級牛肉係任食，脂肪分佈平均，肉質嫩腍，其中厚切牛粒，更是多肉汁。
另外，仲有多款海鮮可以任燒，有燒蠔、帶子、青口、蜆、螺。燒蠔真係超好食，蠔肉脹卜卜，肉質幼嫩蠔汁鮮甜。帶子都幾大隻，好快燒熟，口感嫩滑充滿彈性。蜆肉有海水味，非常爽口且無沙。
仲有其他配料及食物可以燒烤，個人推介多款口味的雞翼，泰式香料雞翼好入味，有泰國香料的獨特香味，咖哩雞翼好惹味，仲有大大隻連骨豬仔脾，好香口好有肉感。
燒緊野食個時，仲可以出去拎熟食醫肚，炒蜆超大隻，醬汁好香好濃，咖哩魚蛋、炒雜菜、西炒飯、燒賣、熱狗腸仔、泰式炸物......真係多到樣樣都想食，連自助即製船麵都有。
食到熱熱地，仲可以食下冷凍解膩又爽快的沙律，青木瓜沙律好清新爽口，無骨鳳爪都好入味，感覺爽彈好有膠質。飲品櫃很大，選擇很多，個人喜歡迎合泰國的芒果汁及菠蘿汁，因為有果肉粒粒增加咬口。
最後甜品有好多口味的雪糕球，同埋泰式甜品，有椰汁糕、芒果布丁、jelly、西瓜......我就食左幾款口味的雪糕，椰子味好香好清甜，荔枝果味濃唔會好膩。
張貼
