影片
更多
2019-02-18
1285 瀏覽
好少好少去上環食嘢，但有一次搭巴士經過呢間曼谷志明，見個名幾得意，又有好多人排隊，所以就mark低咗，呢日就搵咗個朋友嚟陪我試吓！上環地鐵站B出口，轉左再轉左就到！其實C出口喺正隔離，但係要行好多層樓梯！店面一眼望晒，唔算非常大，但係有埋上層，可以坐得多啲人。我哋7點左右嚟到，唔駛等位住，但坐低咗無耐已經坐滿咗人，要排隊喇！「曼谷。志明」顧名思義就係有泰國同越南菜，幾有趣。越式春卷（$48）呢個好正！皮勁脆，好好食。仲可以用塊生菜包住嚟食，減低油膩感。炒通菜(馬拉盞)（$78）好大嘅一碟，都係好好味～香茅豬扒撈檬（$58）檬粉爽口，加埋魚露汁一齊食，酸甜開胃。香茅豬扒煎得好香，蒸得啱啱好，唔會太腍或者韌。柚子茶(熱)（$26）朋友病病地，所以叫咗杯柚子茶潤下喉～志明 熱滴滴咖啡（$38）嚟到食越南嘢嘅地方又點少得一杯滴漏咖啡呀！首先外觀已經好不錯！等佢慢慢滴落嚟嘅時候已經聞到好香嘅咖啡味！終於滴完喇！撈好就飲得！依然係果陣苦苦甘甘嘅咖啡味，但又有煉奶嘅甜味中和返，相當好飲！叫嘅嘢食唔多，但係已經feel到好有heart！價錢唔算貴，我哋叫咗咁多嘢仲有埋嘢飲都只係每人$120左右～呢次叫
上環地鐵站B出口，轉左再轉左就到！
其實C出口喺正隔離，但係要行好多層樓梯！
店面一眼望晒，唔算非常大，但係有埋上層，可以坐得多啲人。我哋7點左右嚟到，唔駛等位住，但坐低咗無耐已經坐滿咗人，要排隊喇！
「曼谷。志明」顧名思義就係有泰國同越南菜，幾有趣。
越式春卷
$48
11 瀏覽
0 讚好
0 留言
越式春卷（$48）呢個好正！皮勁脆，好好食。
仲可以用塊生菜包住嚟食，減低油膩感。
炒通菜(馬拉盞)（$78）好大嘅一碟，都係好好味～
香茅豬扒撈檬（$58）檬粉爽口，加埋魚露汁一齊食，酸甜開胃。
香茅豬扒煎得好香，蒸得啱啱好，唔會太腍或者韌。
柚子茶(熱)（$26）朋友病病地，所以叫咗杯柚子茶潤下喉～
志明 熱滴滴咖啡
$38
6 瀏覽
0 讚好
0 留言
嚟到食越南嘢嘅地方又點少得一杯滴漏咖啡呀！
首先外觀已經好不錯！
等佢慢慢滴落嚟嘅時候已經聞到好香嘅咖啡味！
終於滴完喇！
撈好就飲得！依然係果陣苦苦甘甘嘅咖啡味，但又有煉奶嘅甜味中和返，相當好飲！
叫嘅嘢食唔多，但係已經feel到好有heart！
價錢唔算貴，我哋叫咗咁多嘢仲有埋嘢飲都只係每人$120左右～
呢次叫嘅好多都係越南嘢，下次再嚟嘅話試多啲泰式嘢食先！
另外，餐廳職員嘅服務都唔錯！而且，好少有地，呢間餐廳係唔收加一！
唔知幾時會收返呢，大家都襯佢未收加一之前快啲嚟試下啦～～～
張貼
