影片
更多
2010-07-05
10 瀏覽
26-6-2010睇了 KC 關於呢度的鵝肝蛋飯及清湯腩食評, 勁有興趣, 是日 dinner 捉了朋友上嚟試試. 見呢度係「居酒屋」食物細細份, 2 人試了 5 款食物, 滿意之餘仲十分回味 :-Welcoming 前菜先嚟一碗鹽水 (?) 枝豆, 果然「居酒屋」 一向喜歡食枝豆, 呢度的雖然一般肥大 / 清香, 不過夠粉腍, ok 的.醉溏心蛋: 一客得一隻, 所以叫了兩客 蛋白軟滑細緻, 蛋黃就係睇得見的溏心, 食落勁黏喉, 帶幾濃的花雕香, 少少甜, 正! 黑魚籽就純粹作「扮靚」之用, 食咗都唔覺, 不過既然主角係隻蛋, 是但啦. 燒豬頸肉: 屬薄切, 食落爽口, 油香豐盛, 亦竟然有點「炭燒」feel , 唔知佢用乜嘢爐燒的?柚子酒煮花甲: 清酒煮蜆食得多, 用柚子酒都係第一次食... 花甲體積好大, 殼厚肉更厚, 但煮得火喉剛好, 食落鮮嫩無沙, 加埋少少柚子的酸香, 正! 食晒 d 花甲後, 湯底我哋亦不斷「畢」嚟飲, 最後只飲剩幾滴. 鵝肝蛋珍珠飯: 珍珠米本身已黏黏韌韌, 店員 (老闆娘?) 幫我哋撈勻鵝肝及流心蛋黃一齊食, 多一份濕潤及黏滑,
睇了 KC 關於呢度的鵝肝蛋飯及清湯腩食評, 勁有興趣, 是日 dinner 捉了朋友上嚟試試. 見呢度係「居酒屋」食物細細份, 2 人試了 5 款食物, 滿意之餘仲十分回味 :-
Welcoming 前菜先嚟一碗鹽水 (?) 枝豆, 果然「居酒屋」 一向喜歡食枝豆, 呢度的雖然一般肥大 / 清香, 不過夠粉腍, ok 的.
醉溏心蛋: 一客得一隻, 所以叫了兩客 蛋白軟滑細緻, 蛋黃就係睇得見的溏心, 食落勁黏喉, 帶幾濃的花雕香, 少少甜, 正! 黑魚籽就純粹作「扮靚」之用, 食咗都唔覺, 不過既然主角係隻蛋, 是但啦.
燒豬頸肉: 屬薄切, 食落爽口, 油香豐盛, 亦竟然有點「炭燒」feel , 唔知佢用乜嘢爐燒的?
柚子酒煮花甲: 清酒煮蜆食得多, 用柚子酒都係第一次食... 花甲體積好大, 殼厚肉更厚, 但煮得火喉剛好, 食落鮮嫩無沙, 加埋少少柚子的酸香, 正! 食晒 d 花甲後, 湯底我哋亦不斷「畢」嚟飲, 最後只飲剩幾滴.
鵝肝蛋珍珠飯: 珍珠米本身已黏黏韌韌, 店員 (老闆娘?) 幫我哋撈勻鵝肝及流心蛋黃一齊食, 多一份濕潤及黏滑, 食落就只覺滿口油甘, 腦裡就只有「膽固醇萬歲」5 個字 好好食的一碗飯, 不過間中一次好了, 膽固醇始終唔係「萬歲」嘛.
清湯蘿白牛腩: 牛腩以坑腩為主, 食落鬆軟得來帶點爽身, 肉味濃又唔膩, 正 清湯底真係幾清, 飲落清鮮唔油, 又好似帶點唐芹的香, 正 仲有軟腍又無渣的蘿白, 湯汁掂當然唔會唔好食, 不過個別一兩件帶輕微苦澀味, 可以更好的.
食物好掂, 老闆娘 (?) 亦友善有禮, 印象很不錯的一個地方.
每人放低 $200, 會再來的 -- 下次食鴨舌 / 雞翼 / 牛柳粒!
張貼
