影片
更多
2021-06-03
1510 瀏覽
一直都好鍾意食蒸海鮮！因為「蒸」先可以食到海鮮嘅原汁原味，稍有少少唔新鮮都食得出！所以自己對於主打食蒸海鮮嘅食店都會好有要求！今日同朋友嚟九龍城「蟹仙」，估佢唔到、基本上令我哋成餐飯都好滿意！我哋揀咗《尊貴海鮮套餐》～呢個Package堅豐富呀！總共有10款菜式，等我逐一介紹下啦！首先上嘅係深海海星班我平時就最驚魚腥味，呢條星斑蒸魚蒸8分鐘新鮮果然係新鮮魚肉又滑又亂一啲都唔聲啊之後嘅海鮮分明就係俾我哋相機食先😂 用個又靚又大嘅大紅蟹盤上枱！即刻食慾大增啊！先蒸越南大虎蝦🦐～ 蝦肉結實彈牙，蝦頭膏鮮甜～ 負責我哋呢台嘅靚姐仲特登切咗個心形出嚟蒸添😆☺️之後係台灣九孔鮑魚、韓國慶南珍珠蠔～本身自己其實唔係特別愛好鮑魚啦，覺得無味、而且食親呢側邊通常都係好軟嫩、但咬到去中間個心呢就會韌啦！ 嘩！但呢度嘅鮑魚真係蒸得啱啱好，個心咬落一d韌都無！味道清甜，完全改善我一向對鮑魚嘅睇法～至於珍珠蠔🦪，其實都唔算細隻，蠔味濃郁鮮美，食完一隻唔夠😂忍唔住叫多半打～大西洋野生青口、紐西蘭刀貝蚌、月亮貝講到青口、出邊好多食肆都係急凍貨.... 食落完全冇味嘅！🙄一係就用極濃醬汁去cover雪味.... 呢隻野
因為「蒸」先可以食到海鮮嘅原汁原味，稍有少少唔新鮮都食得出！所以自己對於主打食蒸海鮮嘅食店都會好有要求！
今日同朋友嚟九龍城「蟹仙」，估佢唔到、基本上令我哋成餐飯都好滿意！
我哋揀咗《尊貴海鮮套餐》～
呢個Package堅豐富呀！總共有10款菜式，等我逐一介紹下啦！
首先上嘅係深海海星班我平時就最驚魚腥味，呢條星斑蒸魚蒸8分鐘新鮮果然係新鮮魚肉又滑又亂一啲都唔聲啊
深海星斑
22 瀏覽
0 讚好
0 留言
之後嘅海鮮分明就係俾我哋相機食先😂 用個又靚又大嘅大紅蟹盤上枱！即刻食慾大增啊！
尊貴海鮮套餐
21 瀏覽
1 讚好
0 留言
尊貴海鮮套餐
18 瀏覽
0 讚好
0 留言
先蒸越南大虎蝦🦐～ 蝦肉結實彈牙，蝦頭膏鮮甜～ 負責我哋呢台嘅靚姐仲特登切咗個心形出嚟蒸添😆☺️
越南大虎蝦
22 瀏覽
0 讚好
0 留言
之後係台灣九孔鮑魚、韓國慶南珍珠蠔～
本身自己其實唔係特別愛好鮑魚啦，覺得無味、而且食親呢側邊通常都係好軟嫩、但咬到去中間個心呢就會韌啦！ 嘩！但呢度嘅鮑魚真係蒸得啱啱好，個心咬落一d韌都無！味道清甜，完全改善我一向對鮑魚嘅睇法～
至於珍珠蠔🦪，其實都唔算細隻，蠔味濃郁鮮美，食完一隻唔夠😂忍唔住叫多半打～
九孔鮑魚、珍珠蠔
23 瀏覽
0 讚好
0 留言
大西洋野生青口、紐西蘭刀貝蚌、月亮貝
講到青口、出邊好多食肆都係急凍貨.... 食落完全冇味嘅！🙄一係就用極濃醬汁去cover雪味.... 呢隻野生青口真係讚，大隻得嚟又帶微微鮮甜～
至於刀貝蚌，size大、肥美肉厚、嫩滑爽口又帶有海水鮮味。 月亮貝就食落較有咬口~
野生青口、月亮貝、刀貝蚌
30 瀏覽
0 讚好
0 留言
琵琶龍蝦🦞
雖然佢好醜樣，其實都係屬龍蝦的一種～因紋理形狀似琵琶而命名～ 本人係鍾意食佢多過波士頓龍蝦😆肉質鮮美爽甜、又多肉過龍蝦～ 啖啖肉好滋味！
琵琶龍蝦
32 瀏覽
0 讚好
0 留言
大黃奄蟹
見到咁多黃色蟹膏即刻心心眼😍！蒸完打開蓋超香蟹味，食落鮮美、肉質結實一梭梭咁嘅，蟹膏夠晒濃郁！
大黃奄蟹
22 瀏覽
0 讚好
0 留言
話咁快就K.O.晒啲海鮮啦～ 再嚟d有機蔬菜🥬俾我地fresh下先!
最後最後~ 😊一鍋充滿海鮮精華嘅靚粥出場la～ 由於無落任何調味料，只靠粥底配料同精華出味，所以會淡口小小，靚姐就加咗菜譜同蔥花去吊味～ 佢仲教識我哋、如果d粥有落到如味精嘅調味料，米嘅顏色就唔再係純白色，可能會係黃黃地咁～ 我自己都鍾意原汁原味呢～
粥底
25 瀏覽
0 讚好
0 留言
最後我哋仲有甜品食係椰汁燉海燕窩～好好味呀！
椰汁燉海燕窩
18 瀏覽
0 讚好
0 留言
值得一讚嘅係、呢度嘅員工對於食材知識都好豐富，可以解釋到例如來源地啦、點樣煮法啦、點樣食法係會比較好食😋！ 同埋此店有一樣堅持嘅係、佢哋都由員工親自去幫客人主理蒸煮嘅過程，確保時間同技巧上都準確無誤，令客人品嚐到何謂最好！
韓國慶南珍珠蠔
12 瀏覽
0 讚好
0 留言
張貼
