影片
更多
2023-12-27
153 瀏覽
真係第一次食嘢會嬲到想上嚟負評平安夜諗住食餐好嘅，感受下聖誕氣氛，就打算食西餐。上OpenRice 見到評價唔錯、性價比高、環境都舒服，就打算一試，結果一試難忘！入座：一入到去，個坐位有啲窄，唔算好舒服。佢啲枱係3排直行，2人對望咁坐，同隔離枱只係隔咗1個身位左右，而本身張枱都好細，大概2個人，1人1隻碟已經好full。點餐：一嚟到見到份menu，價錢係每位638加一，已經嚇親，因為係比平時貴2,3倍。咁因為係聖誕節，就由佢，希望佢食物同服務質素可以搭救。食物：Seafood platter（冷盤：蝦 青口 帶子 魷魚 各一，好似去食自助餐每樣夾一舊咁，配生蠔醬同檸檬）豆湯（後面睇review發現原來有餐包，但佢無比我哋）威靈頓牛（中間塊牛同個酥皮分開上，個酥皮係毛巾質地，中間夾住啲火腿，塊牛都係welldone的。佢應該有得簡意粉或薯菜，因為我見隔離枱都係威靈頓牛係配意粉，但落單嗰陣無人問過我哋想要配咩，就自動上咗薯菜😹）芝士火鍋（無乜特別，啲配菜簡咗蝦、西蘭花同豬肉，都係就咁烚熟上，份西蘭花淋到一拮就散😹）甜品（已經係0期待佢嘅甜品，佢都可以比到驚喜我。menu有3款甜品，appl
平安夜諗住食餐好嘅，感受下聖誕氣氛，就打算食西餐。上OpenRice 見到評價唔錯、性價比高、環境都舒服，就打算一試，結果一試難忘！
入座：
一入到去，個坐位有啲窄，唔算好舒服。佢啲枱係3排直行，2人對望咁坐，同隔離枱只係隔咗1個身位左右，而本身張枱都好細，大概2個人，1人1隻碟已經好full。
點餐：
一嚟到見到份menu，價錢係每位638加一，已經嚇親，因為係比平時貴2,3倍。咁因為係聖誕節，就由佢，希望佢食物同服務質素可以搭救。
食物：
Seafood platter（冷盤：蝦 青口 帶子 魷魚 各一，好似去食自助餐每樣夾一舊咁，配生蠔醬同檸檬）
豆湯（後面睇review發現原來有餐包，但佢無比我哋）
威靈頓牛（中間塊牛同個酥皮分開上，個酥皮係毛巾質地，中間夾住啲火腿，塊牛都係welldone的。佢應該有得簡意粉或薯菜，因為我見隔離枱都係威靈頓牛係配意粉，但落單嗰陣無人問過我哋想要配咩，就自動上咗薯菜😹）
芝士火鍋（無乜特別，啲配菜簡咗蝦、西蘭花同豬肉，都係就咁烚熟上，份西蘭花淋到一拮就散😹）
甜品（已經係0期待佢嘅甜品，佢都可以比到驚喜我。menu有3款甜品，apple crumble, opera cake, crème brûlée，我好中意食apple crumble ，點知佢落單話無，咁算啦，其餘2款各一試下。去到食曬啲嘢，想佢上甜品，佢又再問我要咩。咁我見佢得2款，就話各一。點知佢話有3款，個Apple crumble又神奇地出現翻，都開心嘅，就要咗Apple crumble and crème brûlée 。crème brûlée 係全餐飯最正常嘅嘢，而個Apple crumble ，我真係唔知自己食緊咩，從未試過食甜品食到皺晒眉。首先佢係一個切唔開嘅批，上面有幾塊濕嘅蘋果乾，咬咗啖個批，勁甜，金莎咁嘅味，而啲蘋果，如果唔係我知佢係蘋果批，我真係唔知原來係蘋果嚟，口感好似食紙巾🥹）
服務態度：
全部一睇就知係炒散妹妹嚟，上菜勁快，快到我係要自己拎住碗湯嚟飲，因為張枱已經無位。收餐碟勁慢，每次叫就收走一兩隻，再叫先再收，落甜品落3,4次先落到，埋單叫幾次先埋到。
其實大家出嚟食飯都係求開心，其實聖誕節出去食呢個價好正常，但想要服務同食物質素好啲，真係大把選擇。如果你正常價錢，都唔會咁嬲，你聖誕期間mark up咁多，比多少少尊重大家啦，唔洗當食客水魚咁劏嘅。
威靈頓牛柳
7 瀏覽
0 讚好
0 留言
張貼
